Ma’muriy javobgarlik to‘g‘risidagi kodeksning bir qator moddalariga o‘zgartirish kiritildi. Shunga muvofiq, tadbirkorlar huquqlari buzilishiga oid ayrim huquqbuzarliklar biznes-ombudsman tomonidan ko‘rib chiqiladi.
Qayd etilishicha, quyidagi huquqbuzarliklarga oid ishlar biznes-ombudsman va uning devoni xodimlari tomonidan ko‘rib chiqiladi:
- jismoniy va yuridik shaxslarning murojaatlari to‘g‘risidagi qonunchilikni buzish;
- yer uchastkasini noqonuniy olib qo‘yish;
- xususiy mulk huquqini buzish;
- tadbirkorlar faoliyatini tekshirish va moliya-xo‘jalik faoliyatini taftish qilish tartibini buzish;
- tadbirkorlar faoliyatini va (yoki) ularning bank operatsiyalarini qonunga xilof to‘xtatib turish;
- tadbirkorlarni homiylikka va boshqa tadbirlarga majburiy jalb etish;
- imtiyozlar va preferensiyalarni qo‘llashni g‘ayriqonuniy rad etish, qo‘llamaslik yoki qo‘llashga to‘sqinlik qilish;
- tadbirkorlar hisob varaqlarida pullari mavjudligi to‘g‘risidagi axborotni qonunga xilof talab qilib olish;
- tadbirkorlardan qonunchilikni buzgan holda hujjatlar talab qilib olish.
Mavzuga doir:
Izoh (0)