Шокиржон Имамов Маҳаллабай ишлаш ва тадбиркорликни ривожлантириш агентлиги Наманган вилоят ҳудудий бошқармаси бошлиғи этиб тайинланди. Бу ҳақда «Дарё» мухбири Азизбек Абдувалиев хабар бермоқда.
Шокиржон Имамов 1987 йилда Уйчи туманида туғилган. Маълумоти олий, 2009 йилда Тошкент давлат иқтисодиёт университетини тамомлаган.
Меҳнат фаолиятини «Камолот» ёшлар ижтимоий ҳаракати Уйчи туман бўлими кенгашида бошлаган. Шундан сўнг Уйчи тумани ҳокимлиги бош мутахассиси, туман инвестициялар ва ташқи савдо бўлими бошлиғи, туман иқтисодиёт ва саноат бўлими бошлиғи вазифаларида ишлаган.
Шокиржон Имамов мазкур тайинловга қадар Уйчи туман ҳокимининг биринчи ўринбосари — туман иқтисодий тараққиёт ва камбағалликни қисқартириш бўлими бошлиғи лавозимида ишлаб келаётганди.
Изоҳ (0)