O‘zbekistonda vaksina olishi ko‘zda tutilgan aholining 66 foizi to‘liq emlandi

O‘zbekistonda koronavirusga qarshi qo‘llanilgan vaksinalar miqdori 40,6 million dozadan oshdi. Bu haqda Sog‘liqni saqlash vazirligi xabar qildi.

Qayd etilishicha, hududlar bo‘ylab 15-yanvarda 134 ming 62 doza COVID-19 ga qarshi vaksina qo‘llanilgan. Ulardan:

• 1-bosqich emlanganlar 22 ming 221 nafarni,
• 2-bosqich emlanganlar 51 ming 524 nafarni,
• 3-bosqich emlanganlar 60 ming 317 nafarni tashkil qilgan.

• 1-bosqich emlanganlar 19 million 53 ming 693 nafarni,
• 2-bosqichda emlanganlar 14 million 117 ming 844 nafarni,
• 3-bosqich emlanganlar 7 million 486 ming 248 nafarni tashkil qilgan.

Birinchi doza bilan emlanish ko‘rsatkichi emlanishi rejalashtirilgan qatlamga nisbatan 88,8 foizni, to‘liq bosqichlarda emlanish ko‘rsatchiki esa 66 foizni tashkil qilmoqda.

Avvalroq O‘zbekistonga 500 400 doza Moderna vaksinasi olib kelingani, shuningdek, yanvar oyida 310 ming doza Pfizer vaksinasi olib kelinishi xabar qilingandi.

O‘zbekistonda 15-yanvar kuni 912 kishida koronavirus qayd etilib, mamlakatda pandemiya boshidan beri koronavirusga chalingani rasman tasdiqlanganlar soni 205 085 nafarga yetdi.