Har bir yangi rol aktyor uchun to‘liq o‘z qahramoniga aylanish jarayoni ekanligini isbotlovchi holatlar (foto)

Ko‘pchilik aktyorlar kinodagi qahramonlariga aylanish uchun haddan tashqari ko‘p kuch sarflaydi, natijada o‘z muxlislarini mahorat bilan ijro etilgan rollari bilan bahramand etishadi. AdMe nashri obraziga kirish uchun har qanday ishni qiladigan, o‘z kasbiga professional tarzda yondashadigan ana shunday aktyorlar haqida ma’lumot beradi.

Zoi Kravits “Betmen” 

Zoi Kravits rejissor Mett Rivz tomonidan suratga olingan “Betmen” filmidagi Mushuk ayol/Selina Kayl roliga jiddiy tayyorgarlik ko‘rgan. Kaskadyorlar bo‘yicha koordinator Rob Alonza bilan birgalikda aktrisa o‘z qahramonini yaxshiroq his qilish uchun mushuklar va sherlar jangi aks etgan videolarni o‘rgangan. Rolga tayyorgarlik ko‘rayotganda jang san’ati turlarini, shuningdek, mushukka o‘xshash raqs harakatlarini mashq qilgan.

Anjelina Joli, “Umrboqiylar”

“Umrboqiylar” filmidagi superqahramon jangchi Tana roliga tayyorgarlik ko‘rish uchun Anjelina Joli balet darslariga qatnagan va turli xil qurollardan foydalanishni o‘rgangan, garchi u suratga olish paytida ularni jismonan ushlab turmasa ham — qurollar postprodyuserlik jarayonida raqamli ravishda kadrlarga qo‘shilgan.

Leonardo Di Kaprio, “Omon qolgan”

Leonardo Di Kaprio 2016-yilda unga ilk “Oskar”ni olib kelgan “Omon qolgan” filmidagi roli uchun ko‘p mehnat qilishi kerak edi. Boshqa narsalar qatori, aktyorlar va suratga olish guruhi, masalan, qattiq sovuq, gipotermiya tahdidi, muzli suvda otishmalarga bardosh berishi lozim bo‘lgan. Shuningdek, Di Kaprio Arikara mahalliy xalqining tilini o‘rganishi kerak edi. Ushbu yo‘qolib borayotgan lahjani o‘zlashtirish uchun u Tom Xardi bilan bir yil davomida mahalliy madaniyat bo‘yicha maslahatchi Kreyg Falkon bilan ishladi.

Argo Robbi “Xudkushlar guruhi” 

Argo Robbi 2016-yilda “Xudkushlar guruhi” filmida Jokerning sevgilisi bo‘lgan jozibali, ammo beparvo Xarli Kuinni o‘ynagan. Tok-shoulardan birida aktrisa bu rol uchun suv ostida 5 daqiqa nafas olmay turishni o‘rganganini aytgan. Buning uchun Robbi 4 ta fridayving saboqlarini olgan holda metabolizmini sekinlashtira olishni o‘zlashtirgan. “Bu xuddi suv ostida meditatsiya qilish kabi”, — deydi Robbi.

Jeyk Jillenxol, “Stringer”

Jeyk Jillenxol mahalliy yangiliklarga hayratlanarli videolarni sotish orqali katta pul ishlaydigan frilanser Lui Blumga to‘liq o‘xshashga qaror qildi. “Men uning koyot kabi ko‘rinishini xohlardim. Buning uchun men och ko‘rinishim va och bo‘lishim kerak edi”, — deydi aktyor. U qattiq rejimli diyetaga o‘tdi, har kuni mashq qildi, kuniga 16 kilometr yugurdi va deyarli 14 kilogrammga ozdi.

Keyt Uinslet, “Avatar-2”

Jeyms Kemeronning “Avatar-2” filmida Keyt Uinslet suvda yashaydigan jonzot rolini o‘ynaydi. Aktrisaning so‘zlariga ko‘ra, buning uchun u fridayvingni o‘rgandi. Hozirda Keyt suv ostida uzoq vaqtgacha nafasini ushlab turishi mumkin: uning shaxsiy rekordi 7 daqiqa-yu 14 soniya.

Anya Teylor-Joy, “Qirolichaning yurishi”

Anya Teylor-Joy yetimlikda o‘sgan daho Bet Harmon rolini o‘ynashdan oldin shaxmat haqida “deyarli hech narsa bilmagan”. O‘yin bilan tanishish va Betning har bir shiddatli o‘yinining o‘ziga xos harakatlarni o‘rganish uchun aktrisa mashhur shaxmat murabbiyi Bryus Pandolfini bilan ishlagan.

“Shaxmat nazariyasini tushunish men uchun muhim edi”, deb eslaydi Teylor-Joy. “Men bu harakatlar ketma-ketligini eslab qolguncha deyarli aqldan ozay deganman. Xullas, men o‘yinni suratga olishdan 5 daqiqa oldin harakatlarni qayta o‘rganib, uni barmoqlarim uchun raqs harakatlari sifatida qabul qilardim”.

Ben Kingsli, “Gandi”

Kelib chiqishi hind bo‘lgan aktyor ser Ben Kingsli Hindiston mustaqilligi uchun kurash olib borgan milliy qahramon Mahatma Gandi rolini qo‘lga kiritgach, darhol qahramonining vataniga borib, u kabi hayot kechira boshladi. U Gandi hayoti haqidagi kinoxronika lavhalarini o‘rganish, u haqidagi kitoblarni o‘qish, parhez tutish, vazn yo‘qotish, yoga bilan shug‘ullanish va Gandi kabi kiyinish orqali o‘z roliga jiddiy tayyorgarlik ko‘rdi. Natijada bu rol unga “Oskar”, “Oltin globus” va “Eng yaxshi erkak roli” uchun Britaniya akademiyasi kinomukofotini olib keldi.

Elayza Skanlen, “Kichik ayollar”

22 yoshli avstraliyalik aktrisa Elayza Skanlen “Kichik ayollar” filmidagi Bet March rolini o‘ynash uchun kuniga 3 soat pianino chalishni mashq qilishi kerak bo‘lgan, chunki bu kastingning asosiy sharti edi. Filmda Bet pianino chalayotgan sahnalarda Skanlen kompozitsiyalarni o‘zi ijro etgan.

Antonio Banderas, “Zorro niqobi”

Ushbu rol uchun Antonio Banderas retroyulduz Errol Flinnga ustozlik qilgan Bob Andersondan qilichbozlikni o‘rgangan. O‘z navbatida, Anderson Banderas afsonaviy Flinndan keyin o‘zi tarbiyalagan eng yaxshi qilichboz ekanligini tan olgan. Aktyor rolini shu qadar jiddiy qabul qilganki, u hatto Ispaniya Olimpiya terma jamoasi bilan ham 4 oy shug‘ullangan.

Liv Tayler, “Uzuklar hukmdori”

“Uzuklar hukmdori” kinotrilogiyasidagi elf Arven Undomiel roli Liv Taylerga olamshumul shuhrat keltirdi. Aktrisa rolini qoyilmaqom ijro etish uchun ot minishni, qilich bilan jang qilishni va elfcha gapirishni o‘rgandi. “Men filmda elflar tilida juda ko‘p gapirganman, hatto qilich o‘ynatish yoki ot minishdan ham ko‘proq, shuning uchun dialekt bo‘yicha murabbiy bilan ko‘p vaqt o‘tkazdim”, — deydi Tayler.

Al Pachino, “Ayol ifori”

Ushbu rolga tayyorgarlik ko‘rishda Al Pachinoga ko‘zi ojizlar maktabi yordam berdi. Uning so‘zlariga ko‘ra, u ko‘zlarini hech narsaga qaratishiga yo‘l qo‘ymay, o‘zini ko‘r qilib ko‘rsatgan. Al Pachino suratga olish maydonchasidan tashqarida ham obrazda bo‘lardi. U tayog‘i bilan yurar, odamlar bilan gaplashganda hech kimga qaramas, go‘yo ularni ko‘rmayotganday turardi.

Ledi Gaga, “Guchchi uyi”

35 yoshli aktrisa va qo‘shiqchi “Guchchi uyi” filmidagi Patrisiya Rejani roliga suratga tushishdan 1,5 yil oldin tayyorgarlik ko‘ra boshlaganini va bu davrda hatto kamera oldida bo‘lmaganida ham 9 oy davomida italyancha aksent bilan gapirganini aytgan. Obraziga kirishish uchun u fotografiya bilan shug‘ullangan va panteralarni ovlash haqida ko‘plab videolarni tomosha qilgan. U Rejanini yovvoyi mushuklarga qiyoslab: “Ular avval o‘ziga maftun qilib, keyin tashlanishadi”, — deydi.

“Sariq sochli bo‘lganim uchun aksentsiz bilan gapirish deyarli mumkin emas edi. Men darhol sochimni bo‘yadim va dunyoni uning ko‘zlari bilan ko‘ra boshladim: menga moliyaviy foyda keltirishi mumkin bo‘lgan hamma narsaga e’tibor bera boshladim”, — deydi Gaga.