Netflix’ning eng mashhur filmlaridan biri — bu Gollivud yulduzi Lili Kollinz ishtirok etgan “Emili Parijda” ko‘p seriyali komedik dramasidir. Kartina Parijga ishlash uchun kelgan amerikalik ayol haqida hikoya qiladi.
Tomoshabinlar ushbu serialni shunchalik sevib qoldiki, natijada Babbel til o‘rganish xizmati so‘rovnoma uyushtirdi. Unda Fransiya poytaxti aholisidan shahar qaysi filmlarda ishonchli tasvirlangani aniqlandi. 38 ming parijliklarning fikriga ko‘ra, qaysi kartinalar eng yuqori pog‘onalarni egallagani ma’lum bo‘ldi.
“Ratatuy”
Oshpaz bo‘lishni orzu qilib, bir kuni restoran oshxonasiga kirib qolishga muvaffaq bo‘lgan kalamush Remi haqidagi multfilm. Aynan shu kundan sarguzasht boshlanadi!
“Parijda yarim tun”
Romantik odamlar uchun ajoyib film. Film yozuvchi va 1920-yillarda yashashi kerakligiga ishongan umidsiz qahramon haqida. Bir kuni u sevgilisi bilan Parijga ta’tilga keladi va o‘zini o‘tmishda ko‘radi.
“Parij, men seni sevaman”
Sevgi turlicha bo‘ladi va bu film aynan shu haqida. Turli xil his-tuyg‘ular haqidagi 18 ta hikoyadan iborat mozaika, ularning har biri Parijda bo‘lib o‘tadi.
“Ameli”
Sokin va yolg‘iz Ameli Putenning tushunarsiz harakatlari g‘alati tuyilishi mumkin. Biroq sujet shunday rivojlanadiki, to‘satdan qiz boshqa odamlarning hayotini butunlay o‘zgartiradi.
“1+1”
Ushbu kino allaqachon klassikkaga aylangan. Agar hali ko‘rmaganlar bo‘lsa, imkon qadar tezroq tomosha qilish tavsiya etiladi. Baxtsiz hodisaga uchragan boy aristokrat Filipp qamoqdan endigina chiqqan Drisni yordamchi qilib yollaydi. Film haqiqiy voqealarga asoslangan.
Izoh (0)