Toshkent shahrining Chilonzor tumanidagi bozorda o‘g‘rilik sodir etgan ayollar ushlandi, deb xabar beradi poytaxt IIBB axborot xizmati.
Ma’lum qilinishicha, 9-yanvar soat 12:30 larda to‘rt nafar noma’lum ayol Chilonzor buyum savdo kompleksidagi do‘konlarning biriga xaridor sifatida kelib, sotuvchi chalg‘iganidan foydalangan holda 280 ming so‘mlik buyumlarni yashirin ravishda olib ketgan.
Ko‘rilgan tezkor tadbirlar natijasida ayollar aniqlanib, ular tomonidan yetkazilgan zarar to‘liq qoplangan.
Hozirda ushbu ayollar Yu.Z., X.D., M.X., A.S.ga nisbatan Chilonzor tumani IIO FMB Tergov bo‘limi tomonidan Jinoyat kodeksining 169-moddasi (o‘g‘rilik) alomatlari bilan jinoyat ishi qo‘zg‘atilgan.
Avvalroq Farg‘onadagi bozorda o‘zganing sumkasidan pul va telefon o‘g‘irlagan 36 yoshli ayol ushlangani, Qoraqalpog‘istonda fuqaro o‘zi ishlaydigan mebel sexidan qariyb 180 million so‘m o‘g‘irlagani to‘g‘risida xabar berilgandi.
Mavzuga doir:
- Toshkentdagi 3 ta masjidda fuqarolarning telefoni va pullarini o‘g‘irlagan xavfli retsidivist 7 yilga qamaldi
- Namanganda 15 yoshli qizlar o‘zganing kir mashinasini jabrlanuvchining uyidayoq sotib yubordi
- Toshkentdagi do‘konlarda o‘g‘rilik sodir etish bilan shug‘ullangan ayol ushlandi. Jinoyatlarga voyaga yetmagan qiz ham jalb etilgan
Izoh (0)