Futbol bo‘yicha Angliya Kubogining 3-bosqichi doirasidagi bir qator o‘yinlar 9-yanvar, yakshanba kuni bo‘lib o‘tdi.
“Liverpul” o‘z uyida “Shrusberi”ni qabul qildi. Kutilmaganda dastlabki golni mehmonlar kiritdi. Bunga mersisaydlar Fabinyo (dubl), Keyd Gordon va Roberto Firminoning gollari bilan javob qaytardi.
“Tottenhem” va “Morkem” jamoalari o‘rtasidagi bahs ham shunga o‘xshash ssenariyda kechdi. 33-daqiqada “Morkem” futbolchilari hisobni ochdi. “Shporlar” ikkinchi bo‘limda Harri Uinks, Lukas Moura va Harri Keynning gollaridan keyin vaziyatni o‘z tomoniga og‘dirdi.
“Vulverhempton” o‘zida “Sheffild Yunayted”ni yirik hisobda yenggan bo‘lsa, “Vest Hem” “Lids” ustidan 2:0 hisobida zafar quchdi. G‘alaba qozongan jamoalar kubokning keyingi bosqichiga yo‘l oldi.
Angliya Kubogi
3-bosqich bahslari
9-yanvar, yakshanba
“Liverpul” – “Shrusberi” 4:1
Gollar: 0:1 – 27 Udo, 1:1 – 34 Gordon, 2:1 – 44, penalti Fabinyo, 3:1 – 78 Firmino, 4:1 – 90+3 Fabinyo.“Liverpul”: Kelleher, van Deyk, Konate, Robertson, Fabinyo, Dikson-Bonner (Firmino, 64), Morton, Bredli, Jons, Uoltmen (Minamino, 46), Gordon (Frauendorf, 81).
“Shrusberi”: Maroshi, Ebanks-Lendell, Pennington, Ners, Bennett, Lixi, Deniels, Ogbeta (Pyer, 83), Devis, Vela, Boumen (Bloksem, 83), Udo (Janne, 83).
Ogohlantirishlar: Pennington (13), Ebanks-Lendell (80).
“Tottenhem” – “Morkem” 3:1
Gollar: 0:1 – 33 O`Konnor, 1:1 – 74 Uinks, 2:1 – 85 Lukas Moura, 3:1 – 88 Keyn.“Tottenhem”: Gollini, Doerti, Devis, Rodon, Tanganga, Sessenyon (Emerson, 87), Uinks, Lo Chelso (Skarlett, 88), Ndombele (Skipp, 69), Alli (Keyn, 69), Xil (Lukas Moura, 69).
“Morkem”: Karson, O`Konnor, Maklaflin, Bedo (Gibson, 65), Li, Diaguraga (Uildig, 77), Makkalmont, Kuni (Jons, 77), Stokton, Maklolin, Ayunga (Obika, 58).
Izoh (0)