Bugun,

  • USD 10940.05
  • RUB 182.26
  • EUR 11121.65

“Atletiko” himoyachisi Kiran Trippyer faoliyatini “Nyukasl”da davom ettiradi. Bu haqida ingliz jamoasi matbuot xizmati ma’lum qildi.

Foto: Getty Images

Foto: Getty Images

Trippyer “Nyukasl” bilan 2,5 yillik shartnoma imzoladi. Kelishuvning moliyaviy tafsilotlari ma’lum qilinmagan.

Xabarlarga ko‘ra, “Nyukasl” 31 yoshli futbolchi uchun “matraschilar”ga 15 million yevro to‘lagan.

Ajoyib jamoaga kelib qo‘shilganimdan xursandman. Madridda yoqimli lahzalarni o‘tkazdim, “Nyukasl”dan taklif tushgach, rad etolmasligimni bildim. Chunki avval Eddi Hau bilan birga ishlaganman.

Juda ko‘p ishlashimizga to‘g‘ri kelishini bilaman, Premyer Liganing talablari bilan tanishman. Undan tashqari “Nyukasl” iqtidorli futbolchilarga boy yaxshi jamoa ekanligidan ham xabarim bor.

“Sent-Jeyms Park” maydoniga “Nyukasl” futbolchisi sifatida tushishni intizorlik bilan kutyapman.

Kiran Trippyer, “Nyukasl” futbolchisi

Eslatib o‘tamiz, angliyalik futbolchi 2019-yilning iyul oyida 22 million yevro evaziga “Tottenhem”dan “Atletiko” safiga o‘tgan edi. Trippyer faoliyati davomida “Barnsli” va “Byornli” kabi jamoalarda ham o‘ynagan.

“Nyukasl Yunayted” 2021-yilning oktabr oyida Saudiya Arabistoni hukumati davlat investitsiya fondi (PIF – Public Investment Fund) tomonidan sotib olindi. Bu futbolga egalik qiladigan kompaniyalar ichida eng boyi hisoblanib, shaxsan Saudiya Arabistoni valiahd shahzodasiga aloqador.

Izoh
Asosiy yangiliklar
Dunyo
Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)
Mahalliy
“Yotoqxona ahvoli rahbarlarni qiziqtirmayapti, muammoni aytsak, bizni uydan quvib chiqarishadi”. Navoiyliklar xaroba yotoqxonada yashayotganini aytmoqda
Mahalliy
“Daryo” kundaligida 30-sentabrda sodir bo‘lgan eng muhim voqealar