“Barselona” futbolchisi Filippe Koutinyo faoliyatini “Aston Villa”da davom ettiradi. Bu haqda ingliz klubi matbuot xizmati ma’lum qildi.
“Aston Villa” 29 yoshli futbolchini sotib olish huquqi bilan 2021/22-yilgi mavsum so‘ngiga qadar ijaraga oldi. Braziliyalik futbolchi maoshining asosiy qismi “Aston Villa” tomonidan qoplab beriladi. Koutinyo birmingemliklar bosh murabbiyi Stiven Jerrard bilan “Liverpul”da birga o‘ynagan.
“Barselona” Koutinyoni 2018-yilning yanvarida 135 million yevro evaziga “Liverpul”dan sotib olgandi. Filippe faoliyati davomida “Inter”, “Vasko da Gama”, “Espanyol” va “Bavariya” kabi jamoalarda ham to‘p surgan.
Futbolchi joriy mavsum Ispaniya chempionatida 12 ta o‘yinda ishtirok etib, o‘z hisobiga ikkita gol yozdirib qo‘ydi.
Izoh (0)