Qashqadaryoda viloyat hokimi o‘rinbosariga tegishli xizmat avtomobili bir vaqtning o‘zida uchta qoidabuzarlikni sodir etgani to‘g‘risida xabar berilgandi. IIV YHXBB axborot xizmati davlat raqami 70 005 DAV bo‘lgan avtomobil haydovchisiga tegishli chora ko‘rilganini ma’lum qildi.
“Daryo” muxbiri bilan subatlashgan manba mazkur xizmat avtomobili viloyat hokimining qishloq va suv xo‘jaligi masalalari bo‘yicha birinchi o‘rinbosari Ulug‘bek Uzoqovga tegishli ekanini bildirgandi. IIV YHXBBning ma’lum qilishicha, Trailblazer avtomobili
- yo‘l harakati qoidalarining 2-ilovasida ko‘rsatilgan 1.1 (yo‘lning xavfli joylaridagi harakatlanish bo‘lagi chegarasini bildiradi, bosib o‘tish taqiqlanadi) yo‘l yotiq chizig‘ini bosish;
- svetoforning harakatni taqiqlovchi qizil chirog‘ida harakatlanish;
- ortga qayrilib olish qoidalarini chetlab o‘tgan holda harakatlanish kabi qoidalarni buzgan.
46 yoshli haydovchi E.T.ga nisbatan Ma’muriy javobgarlik to‘g‘risidagi kodeksning 126, 128, 1284-moddalari tartibida bayonnoma tuzilib, transport vositasi ushbu kodeksning 291-moddasi (transport vositalarini ushlab turish va ko‘rikdan o‘tkazish asoslari va tartibi) tartibida vaqtincha saqlash uchun jarima maydoniga joylashtirilgan.
Bundan avval Tracker’ining qariyb 150 milliom so‘mlik qarzi borligi va u YHXBB boshlig‘i Olim Saidovga tegishli ekani yuzasidan raddiya berilgandi.
Mavzuga doir:
- Toshkent viloyati YHXBga tegishli Malibu-2 ning 11 ta to‘lanmagan jarimasi borligi haqidagi xabarlarga izoh berildi
- Toshkentda 2 yil ichida rekord darajada qoidabuzarlik sodir etgan haydovchi ushlandi
- Chust tumani hokimligining uchta avtomobili to‘planib qolgan qarzdorliklari sabab jarima maydoniga joylashtirildi
Izoh (0)