Қашқадарёда вилоят ҳокими ўринбосарига тегишли хизмат автомобили бир вақтнинг ўзида учта қоидабузарликни содир этгани тўғрисида хабар берилганди. ИИВ ЙҲХББ ахборот хизмати давлат рақами 70 005 ДАВ бўлган автомобиль ҳайдовчисига тегишли чора кўрилганини маълум қилди.
«Дарё» мухбири билан субатлашган манба мазкур хизмат автомобили вилоят ҳокимининг қишлоқ ва сув хўжалиги масалалари бўйича биринчи ўринбосари Улуғбек Узоқовга тегишли эканини билдирганди. ИИВ ЙҲХББнинг маълум қилишича, Trailblazer автомобили
- йўл ҳаракати қоидаларининг 2-иловасида кўрсатилган 1.1 (йўлнинг хавфли жойларидаги ҳаракатланиш бўлаги чегарасини билдиради, босиб ўтиш тақиқланади) йўл ётиқ чизиғини босиш;
- светофорнинг ҳаракатни тақиқловчи қизил чироғида ҳаракатланиш;
- ортга қайрилиб олиш қоидаларини четлаб ўтган ҳолда ҳаракатланиш каби қоидаларни бузган.
46 ёшли ҳайдовчи Э.Т.га нисбатан Маъмурий жавобгарлик тўғрисидаги кодекснинг 126, 128, 1284-моддалари тартибида баённома тузилиб, транспорт воситаси ушбу кодекснинг 291-моддаси (транспорт воситаларини ушлаб туриш ва кўрикдан ўтказиш асослари ва тартиби) тартибида вақтинча сақлаш учун жарима майдонига жойлаштирилган.
Бундан аввал Tracker’ининг қарийб 150 миллиом сўмлик қарзи борлиги ва у ЙҲХББ бошлиғи Олим Саидовга тегишли экани юзасидан раддия берилганди.
Мавзуга доир:
- Тошкент вилояти ЙҲХБга тегишли Malibu-2 нинг 11 та тўланмаган жаримаси борлиги ҳақидаги хабарларга изоҳ берилди
- Тошкентда 2 йил ичида рекорд даражада қоидабузарлик содир этган ҳайдовчи ушланди
- Чуст тумани ҳокимлигининг учта автомобили тўпланиб қолган қарздорликлари сабаб жарима майдонига жойлаштирилди
Изоҳ (0)