Surxondaryo viloyati Termiz tumanida quduqqa tushib ketgan sigir qutqarib olindi. Bu haqda Favqulodda vaziyatlar vazirligi xabar qildi.
Ma’lum qilinishicha, 2-yanvar kuni soat 11:30 da viloyat Favqulodda vaziyatlar boshqarmasining tezkor boshqaruv markaziga Termiz tumani “Yangobod” mahallasi Fayoztepa ko‘chasida istiqomat qiluvchi fuqaro qoramoli mahalla yaqinidagi quduqqa tushib ketgani hamda uni olib chiqishda amaliy yordam so‘rab murojaat qilgan.
Mazkur murojaat yuzasidan boshqarma qutqaruv otryadi qutqaruvchilari aytilgan manzilga zudlik bilan yetib borgan. Qutqaruvchilar tomonidan olib borilgan tezkor harakatlar natijasida maxsus qutqaruv asbob-anjomlari yordamida qoramol quduqdan chiqarib olingan.
Izoh (0)