Сурхондарё вилояти Термиз туманида қудуққа тушиб кетган сигир қутқариб олинди. Бу ҳақда Фавқулодда вазиятлар вазирлиги хабар қилди.
Маълум қилинишича, 2 январь куни соат 11:30 да вилоят Фавқулодда вазиятлар бошқармасининг тезкор бошқарув марказига Термиз тумани «Янгобод» маҳалласи Фаёзтепа кўчасида истиқомат қилувчи фуқаро қорамоли маҳалла яқинидаги қудуққа тушиб кетгани ҳамда уни олиб чиқишда амалий ёрдам сўраб мурожаат қилган.
Мазкур мурожаат юзасидан бошқарма қутқарув отряди қутқарувчилари айтилган манзилга зудлик билан етиб борган. Қутқарувчилар томонидан олиб борилган тезкор ҳаракатлар натижасида махсус қутқарув асбоб-анжомлари ёрдамида қорамол қудуқдан чиқариб олинган.
Изоҳ (0)