2021-yilda ko‘plab ijodkorlar farzandlarining nikoh to‘yini o‘tkazdi. Quyida yakunlangan yilda qaynota va qaynonalik martabasiga erishgan ijodkorlarni sanab o‘tiladi.
O‘zbekistonda xizmat ko‘rsatgan artist Muqaddas Xoliqova 23-fevral kuni qizi Zebinisoni turmushga berdi. Yoshlarning nikoh to‘yida O‘zbek milliy akademik drama teatrining barcha aktyor va aktrisalari tashrif buyurishdi. Kelinsalom marosimini Muqaddas Xoliqovaning dugonalari: Saida Rametova, Ra’no Yarasheva, Xosiyat Husanova, Zuhra Ashurova va Mahfuza Bobotillayevalar o‘tkazdi.
Taniqli qiziqchi Shukurullo Isroilov 12-mart kuni o‘g‘li Farhodni uylantirdi. Bir yil avval qizi Mushtariybegimni turmushga bergandi. O‘g‘li Farhodning to‘yi Toshkentdagi Hyatt mehmonxonasida katta dabdaba bilan o‘tkazildi. Farhod va Go‘zalni tabriklash uchun Nasiba Abdullayeva, Rashid Xoliqov, Tohir Sodiqov, Rayhon, Alisher Fayz, DJ Piligrim, Munisa Rizayeva, Milena Madmusayeva, Timur Rahmonov va boshqa san’atkorlar to‘yga tashrif buyurdi. “Parizoda” raqs dastasi raqqosalari mehmonlarni chiroyli raqslar bilan xushnud etdi.
O‘zbekistonda xizmat ko‘rsatgan artist Shuhrat Qayumovning ikkinchi o‘g‘li Fayzulloh Hamidullayev 2021-yilning 13-mart kuni uylandi. Fayzulloh va Naziraxonning nikoh oqshomi Toshkent shahridagi “Hayot” to‘yxonasida bo‘lib o‘tdi. Unda Shuhrat Qayumovning suxandon hamkasblari, xonandalar Mavluda Asalxo‘jayeva, Ilhom Farmonov, Diyorbek Mahkamov singari taniqli san’atkorlar va “Eldido” guruhi vakillari ham xizmatda bo‘ldi.
Taniqli aktrisa Ra’no Shodiyeva o‘g‘li Diyorni Anastasiya ismli qizga uylantirdi. To‘y 23-iyul kuni poytaxtdagi “Ezidiyor” restoranida bo‘lib o‘tdi. Diyor va Anastasiyaning nikoh oqshomida o‘zbek shou-biznesining ko‘plab vakillari ishtirok etdi.
23-avgust kuni taniqli aktrisa Ra’no Shodiyeva qizi Raxshonani uzatdi. Jamoliddin va Raxshonaning nikoh to‘yi Toshkentdagi restoranlardan birida bo‘lib o‘tdi.
2021-yilning 30-avgust kuni xonanda va aktyor Anvar Sobirov to‘ng‘ich qizini turmushga berdi. Toshkentda bo‘lib o‘tgan to‘y oqshomida xonandaning yaqin do‘stlari, hamkasblari ishtirok etdi.
Aziz Rajabiy 3-oktabr kuni to‘ng‘ich qizi Muzayyanani turmushga berdi. Hamma otalar qizini yig‘lab ostonadan kuzatsa, xonanda “Qizim” taronasini ijro etib, qiziga oq fotiha berdi. Kumushrang kelin libosidagi Muzayyana otasining unga atalgan qo‘shig‘idan sevindi. To‘yda mashhur san’atkorlar va estrada vakillari ishtirok etdi.
10-oktabr sanasida xonanda Otabek Muhammadzohid to‘ng‘ich qizi Mohinurbegimni turmushga berdi. Xonandaning xonadonidagi to‘yga vodiyning ko‘zga ko‘ringan barcha san’atkorlari tashrif buyurishdi va Mohinurbegim va Akbarjonga baxt tilashdi. Bizdagi ma’lumotlarga ko‘ra, kuyov xonandaning shogirdlaridan biri.
Marhum ijodkor Aziza Niyozmetovaning o‘g‘li Miraziz 5-noyabr kuni uylandi. Dabdabali to‘yda marhumaning hamkasblari ishtirok etib, ikki yoshga baxt tilashdi.
Mavzuga doir: 2021-yilda oila qurgan o‘zbek shou-biznesi vakillari
Izoh (0)