Yakunlanayotgan yil ko‘plab oilalarga farzand quvonchini olib kirdi. Shu jumladan, ko‘plab san’at va madaniyat vakillari ham ota-onalik martabasiga erishdi.
Raqqosa Parizoda 8-yanvar kuni uchinchi farzandini dunyoga keltirdi. U ikki qizidan keyin dunyoga kelgan o‘g‘il farzandiga Muhammadqodir deb ism qo‘ydi.
Aktrisa Shahzoda Matchonova 6-aprel kuni ilk marta ona bo‘ldi. Ammo u qizi Raniya bilan bog‘liq ma’lumotlarni omma bilan bo‘lishishni istamaydi.
Aktrisa Aziza Yoqubova 14-aprel kuni ikkinchi bor onalik baxtiga erishib, o‘g‘il farzandli bo‘ldi. Homila 7 oylik tug‘ilgani bois ona-bola sinovli kunlarni boshidan o‘tkazdi. Hozirda Muhammadamirning sog‘lig‘i joyida.
Oybek va Nigora juftligi 18-iyun kuni qiz farzandli bo‘ldi. Ularning Imron va Usmon ismli o‘g‘illari bor edi. Xonanda qiziga Samiya deb ism qo‘ydi.
“Via Sharq” guruhi a’zosi Tatyana 15-iyul sanasida o‘g‘il farzandli bo‘ldi. U o‘g‘liga Matin deb ism qo‘ydi.
Farhod va Shirin juftligidagi — Shirin 16-iyul kuni qiz farzandli bo‘ldi. U qizalog‘iga Yasmina deb ism qo‘ydi.
Xuddi shu kuni yana bir yulduzli juftlik Feruza Meliboyeva va Samiddin Lutfillayev yana bir bor ota-onalik martabasiga erishdi. Ular 17-iyul kuni o‘g‘il farzandli bo‘ldi.
“Qadam” serialidagi roli bilan tomoshabinlarga yaxshi tanish bo‘lgan aktrisa Kamila Gimandinova 17-iyul kuni ilk farzandini dunyoga keltirdi. U qiziga Aylin deb ism qo‘ydi.
Aktrisa Shahlo Temirova 7-oktabr kuni ikkinchi bor ona bo‘ldi. U qizalog‘iga Osiyo deb ism qo‘ydi.
Instabloger Ganya Usmonova 20-oktabr kuni qiz farzandli bo‘ldi. U qizalog‘iga Mehrinur deb ism qo‘ydi.
Aktyorlar juftligi Mirkamol Qoraboyev va Yulduz Fayziyeva 29-oktabr kuni qiz farzandli bo‘ldi. Ular qizaloqlariga Rohatxon deb ism qo‘yishdi.
Xorazmlik xushovoz xonanda Dilafro‘z Bekmatova 25-noyabr kuni o‘g‘il farzandli bo‘ldi. U o‘g‘liga Muhammadjon deb ism qo‘ydi.
Yosh aktrisa Kumush O‘ktamova 9-dekabr kuni qiz farzandli bo‘ldi. U qizalog‘iga Maryam deb ism qo‘ydi.
Xonanda Sharof Muqimov 19-dekabr kuni ikkinchi bor otalik baxtiga muyassar bo‘ldi. Navbatdagi farzand o‘g‘il bo‘lib, unga Tohir deb ism qo‘yishdi.
Aktrisa Sevara Soliyeva 23-dekabr kuni uchinchi bir onalik baxtiga muyassar bo‘ldi. Uning Sultonbek va Umarbek ismli o‘g‘illari bor edi.
Izoh (0)