Kino sanoati vakillari uchun 2021-yil har tomonlama haqiqiy moliyaviy fojiaga aylandi, ammo koronavirus tufayli yuz bergan inqiroz davrida ham yaxshigina daromad olishga muvaffaq bo‘lgan aktyor va aktrisalar ham bor. Quyida ularning bir nechta sini e’tiboringizga havola etamiz.
Bred Pitt: 20 million dollar
2020-yil “Oskar” g‘alabasidan keyin ham Bred Pittni to‘xtatib bo‘lmadi. Yaqinda u Demyen Shazellning “Bobil” nomli yangi filmida suratga tushishni tugatdi va darhol yangi loyihaga – “Dedpul” rejissori Devid Litchning “Tezyurar poyezd” trillerida ish boshladi. Filmdagi ishtiroki uchun Pittning daromadi oshkor etilmagan, ammo gap oltita nolga teng bo‘lgan maosh haqida ketmoqda. Bundan tashqari, Bred Sandra Bullok bilan ishtirok etgan “Yo‘qotilgan shahar” filmi kelajakdagi pandemiyaga oid prokatning eng yaxshisi bo‘lishi mumkin, bu ham aktyorning umumiy daromadiga hissa qo‘shgan.
Rayan Gosling: 20 million dollar
“Qizil ogohlantirish” filmi suratga olinmasidan oldin ham Jo va Entoni Russo tomonidan suratga olingan “Kulrang odam” jangovar filmi Netflix striming platformasidagi eng qimmat loyiha hisoblangan. Ma’lum bo‘lishicha, filmda ishtirok etish kanadalik aktyor Rayan Goslingga yigirma million dollar olib kelgan. Ayni paytda “Kulrang odam” filmining chiqishi noma’lum muddatga qoldirildi, ammo 2022-yilda namoyish etilishiga umid bor. Filmda Goslingdan tashqari, Ana de Armas, Billi Bob Tornton, Kris Evans, Rege Jan-Peyj va boshqalar ishtirok etgan.
Sandra Bullok: 20 million dollar
Sarguzashtga boy “Yo‘qotilgan shahar” 2022-yilning eng kutilgan blokbasterlari ro‘yxatidan joy olmagan bo‘lsa-da, ammo aynan shu film Sandra Bullokka eng badavlat odamlar ro‘yxatiga kirishiga imkon berdi. Rejissorlar – Aaron va Adam Nining debyut ishi taqdir taqozosi bilan sirli millioner tomonidan garovga olingan yolg‘iz yozuvchi Loretta Seyj haqida hikoya qiladi. “Yo‘qotilgan shahar” filmida Bullokdan tashqari, Chenning Tatum, Deniel Redkliff va Bred Pitt ham suratga tushgan.
Juliya Roberts: 25 million dollar
“Go‘zal ayol” filmining yulduzi Juliya Roberts ham yilning eng ko‘p maosh oluvchi aktrisalari qatoridan joy oldi. Rejissor Sem Esmeyl (“Janob robot”) “Dunyoni ortda qoldiring” oilaviy melodramasidagi bosh roli orqali 25 million dollar ishlab topdi. Rumaan Alam romani asosida suratga olingan kartinaning premyerasi Netflix striming platformasida bo‘lib o‘tadi. Chiqarilish sanasi hali e’lon qilinmagan. Roberts bilan birgalikda filmda “Oskar” mukofotiga sazovor bo‘lgan “Oy nuri” va “Yashil kitob” dramalari bilan tanilgan amerikalik aktyor Maxershal Ali o‘ynagan.
Jennifer Lourens: 25 million dollar
Netflix striming platformasi bilan muvaffaqiyatli kelishuv “Oskar” sovrindori Jennifer Lourensga 2021-yilning eng ko‘p maosh oladigan aktrisasi bo‘lishiga yordam berdi. Afsuski, uning daromadlari darajasi hali ham reytingning birinchi yarmini egallagan erkak hamkasblarining gonoraridan uzoqda. Ta’kidlash joizki, homiladorlik tufayli Lourensning bu yilgi ish faoliyati jiddiy cheklangan. “Yuqoriga qaramang” filmida suratga tushgandan so‘ng u o‘zini butunlay eri va bo‘lajak chaqalog‘iga bag‘ishlamoqchi. Farzandining tug‘ilishi Jenniferni karyerasida qisqa tanaffus qilishga majbur qilishi ham mumkin.
Leonardo Di Kaprio: 30 million dollar
Gollivudning taniqli aktyori Leonardo Di Kaprio, albatta, eng ko‘p maosh oluvchi mashhurlar reytingiga kiradi. Bu safar Leoning asosiy daromadi Netflix strimingidan kelgan “Yuqoriga qaramang” filmi bo‘ldi. 2021-yil dekabr oyi oxirida chiqishi rejalashtirilgan Adam MakKeyning ushbu komediyasida aktyor bosh rolni ijro etgan. Ma’lum bo‘lishicha, Di Kaprio va uning ekrandagi sherigi Jennifer Lourens filmdagi ishtiroki uchun eng katta gonorar olgan.
Denzel Vashington: 40 million dollar
Denzel Vashingtonni Gollivuddagi eng mulohazali va aqlli odam deb atash mumkin. Aktyor, prodyuser va rejissor, ikki karra “Oskar” sovrindori asosiy rollari orqali daromadlarini faol ravishda oshirishda davom etmoqda. Ma’lumki, 2021-yil boshida chiqqan “Kichik narsalar” (The Little Things) nomli trilleri Vashingtonga qirq million dollar olib kelgan. Aktyor ishtirokidagi yana bir loyiha – Joel Koenning “Makbet fojiasi” dramasi darhol Apple striming platformasida chiqdi. Bitimning moliyaviy tafsilotlari oshkor etilmagan.
Uill Smit: 40 million dollar
Uill Smit ishtirokidagi yangi film “Oskar” sovrindori bo‘lishi uchun barcha imkoniyatlarga ega va u eng yaxshi erkak roli uchun nomzod bo‘lishdan yiroq emas. “Qirol Richard” biografik dramasi tanqidchilar tomonidan ko‘plab maqtovlarga sazovor bo‘ldi. Ma’lum bo‘lishicha, buyuk tennischilar Venera va Serenaning otasi Richard Uilyams obrazini gavdalantirish Uill Smitga qirq million AQSh dollari miqdorida pul olib kelgan. Bu uni 2021-yilning eng boy 3 ta mashhurlaridan biriga aylantirish uchun yetarli bo‘ldi.
Dueyn Jonson: 50 million dollar
“Forsaj” franshizasining yulduzi Dueyn Jonson an’anaga ko‘ra yilning eng ko‘p maosh oluvchi mashhurlari qatoridan joy olgan. Biroq 2021-yilda u Deniel Kreygga g‘alabani boy berib, ikkinchi o‘rinni egalladi. Insayderlarning fikricha, aktyor daromadining asosiy qismi ham Netflix’dan kelgan, “Qizil ogohlantirish” filmi platformadagi eng qimmat loyihalardan biriga aylandi. Shuningdek, yoz faslida chiqarilgan sarguzashtli komediya “Jungli bo‘ylab sayohat” Jonsonning moliyaviy holatiga yaxshi ta’sir ko‘rsatdi.
Deniel Kreyg: 100 million dollar
2021-yilning eng ko‘p maosh oluvchi aktyori unvonini rasman britaniyalik Deniel Kreyg oldi. Qanchalik hayratlanarli bo‘lmasin, ushbu summaning aksariyatini Kreyg Universal Pictures’dan emas, balki “Merosxo‘rlar” filmi davomi uchun huquqni sotib olgan Netflix striming platformasidan ishlab topgan. Ko‘rinishidan, studiya boshliqlari Kreygni komediya detektivi Rayan Jonsonning barcha davomiy filmlarida ishtirok etishini kutmoqda. Biroq “O‘lish vaqt emas” filmi ham aktyorning shaxsiy hisobini boyitganini istisno qilib bo‘lmaydi.
Izoh (0)