O‘zbekiston yo‘llarida sodir bo‘lgan baxtsiz hodisalar tafsilotlarini taqdim etamiz.
Toshkentda yo‘nalishini keskin o‘zgartirgan Isuzu’ga Lacetti urildi
Ijtimoiy tarmoqlarda Isuzu avtomobili haydovchisi sababli yo‘lda avariya yuzaga kelgani haqida video tarqaldi. Xavfli boshqaruv yengil avtomobil bilan to‘qnashuvga olib kelgan. Mazkur holat bo‘yicha Toshkent shahri IIBB ma’lumot berdi.
Qayd etilishicha, 25-dekabr kuni taxminan soat 12:50 da Kichik halqa avtomobil yo‘lidagi Ashxobod ko‘prigida Isuzu rusumli avtomobilni (davlat raqami 01 317 SEA) boshqarib borgan A.X. (25 yosh) yo‘l harakatining boshqa ishtirokchilari uchun kutilmaganda yo‘nalishni o‘zgartirgan va natijada H.K. (48 yosh) Lacetti rusumli avtomobil bilan to‘qnashgan.
YTH sababli hech kim jabrlanmadi. Ushbu fakt bo‘yicha Toshkent shahar IIBB YHXB xodimlari tomonidan tergovoldi tekshiruvi o‘tkazilmoqda.
A.X.ga nisbatan Ma’muriy javobgarlik to‘g‘risidagi kodeksining 128-5-moddasi (transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi) bo‘yicha bayonnoma rasmiylashtirildi.
Jizzaxda beton to‘siqqa urilgan Nexia yo‘lovchisi vafot etdi
Jizzax viloyati G‘allaorol tumani Mirzabuloq qishlog‘i hududidan o‘tgan Toshkent—Termiz M-39 yo‘lining 1021-kilometrida yo‘l-transport hodisasi sodir bo‘lgan.
Farg‘ona viloyati Buvayda tumanida yashovchi shaxs ixtiyoridagi Nexia boshqaruvini yo‘qotgan va avtoulov yo‘l chetidagi beton ustunga urilgan.
Oqibatda avtomashina yo‘lovchisi tan jarohati olib, shifoxonada vafot etgan.
Mavzuga doir:
Izoh (0)