Namanganning ko‘cha va bog‘larini kezib, bu yerda hukm surayotgan Yangi yil shukuhi ni sezish qiyin emas. Bu haqda “Daryo” muxbiri Azizbek Abduvaliyev xabar bermoqda.
Namangan shahrida Yangi yil bilan bog‘liq tadbirlar asosan “Afsonalar vodiysi” va Zahiriddin Muhammad Bobur nomli bog‘larda bo‘lib o‘tmoqda.
“Afsonalar vodiysi” bog‘ida O‘zbekistondagi eng baland archalardan biri o‘rnatilgan. Uning balandligi qariyb 40 metr.
Ushbu bog‘ hududida bayram kayfiyatini ulashuvchi o‘nlab attraksionlar ishlab turibdi.
Tashkil topganiga 100 yildan oshgan Zahiriddin Muhammad Bobur nomli bog‘da esa zamonaviy installyatsiyalar yordamida ajoyib shakllar hosil qilingan.
Namangan shahrining markaziy ko‘chalari ham turli-tuman chiroqlar va bezaklar yordamida fusunkor tusga kirgan.
Izoh (0)