Futbol bo‘yicha Angliya Premyer Ligasining 19-turida “Chelsi” 26-dekabr, yakshanba kuni “Aston Villa” maydonida mehmon bo‘ldi.
Uchrashuvning 28-daqiqasida londonliklar himoyachisi Ris Jeyms o‘z darvozasini ishg‘ol qilib qo‘ydi. 34-daqiqada Jorjinyo penaltini aniq amalga oshirgan holda muvozanatni tikladi.
Ikkinchi bo‘lim debyutida Romelu Lukaku “Chelsi”ning ikkinchi golini urdi. O‘yin yakunlashini arafasida Jorjinyo yana bir 11 metrlik jarima zarbasini muvaffaqiyatli yakunlab, yakuniy hisobni o‘rnatdi.
“Ko‘klar” ushbu g‘alabadan keyin ochkolarini 41 taga yetkazib olgan holda ikkinchi o‘rindagi “Liverpul”ga yetib oldi. “Aston Villa” (22) 9-pog‘onadan joy olgan.
APL
19-tur bahsi
“Aston Villa” — “Chelsi” 1:3
Gollar: 1:0 – 28, avtogol Jeyms, 1:1 – 34, penalti Jorjinyo, 1:2 – 56 Lukaku, 1:3 – 90+3 Jorjinyo.“Aston Villa”: Martines, Mingz, Konsa, Targett, Sanson (al-G‘ozi, 76), Buendia (Chukvuemeka, 74), Duglas Luis, Remzi, Kesh, Ingz (Traore, 73), Uotkins.
“Chelsi”: Mendi, Jeyms, Tiago Silva (Kristensen, 52), Ryudiger, Chaloba (Lukaku, 46), Alonso, Jorjinyo, Kante (Kovachich, 63), Maunt, Pulishich, Hadson-Odoi.
Ogohlantirishlar: Martines (33), Mingz (65), Alonso (70).
Izoh (0)