Iste’dodi va mahorati bir necha marta e’tirof etilgani, rollarni qoyillatib ijro qilishiga qaramay ismi “Oskar” mukofotini qo‘lga kiritgan yulduzlar ro‘yxatida yo‘q bo‘lgan mashhurlar haqida Marie Claire nashri ma’lumot berib o‘tadi.
Benedikt Kamberbetch
“Xoking”da (2004) fizik Stiven Xoking, “Van Gog: so‘zlar bilan tasvirlangan tasvir”da rassom Van Gog va “Doktor Strenj”da (2016) bosh qahramon doktor Strenj sifatida rol ijro qilgan Benedikt Kamberbetch BAFTA, “Emmi” va TV Choice Awards mukofotlarini qo‘lga kiritgan. Ammo bir necha marta nomzod bo‘lganiga qaramay, “Oskar”ga biron marta ham sazovor bo‘lmagan. Aktyor bugungi kunda nafaqat kino, balki teatrda ham birdek faol.
Monika Beluchchi
“Xonadon”, “Malena”, “Matritsa” singari filmlarda suratga tushgan aktrisa nafaqat MTV, balki “Oskar”ga ham munosib rollar ijro qilgan.
Kichik Robert Dauni
“Sudya”, “Chaplin” singari filmlardagi qoyilmaqom ijrosidan tashqari, Marvel filmlarida Toni Stark sifatida ko‘rinish bergan aktyor bir necha marta nomzod bo‘lganiga qaramay, “Oskar” mukofotini qo‘lga kiritmagan.
Helena Bonem Karter
Aktrisa filmlarda kam ko‘rinish beradi, ammo bu uning iste’dodi “Oskar”ga loyiq emasligini bildirmaydi. 1998-yil “Kabutar qanotlari”, 2011-yil “Qirol nutqi”, shuningdek, “Jang klubi” singari filmlar sabab “Oskar”ga bir necha marta nomzod bo‘lganiga qaramay, mukofotni bir marta ham qo‘lga kiritmagan.
Jonni Depp
“Oskar”ga 3 marta nomzod bo‘lgan, “Oltin globus”ga 10 marta nomzod bo‘lib, bir marta uni qo‘lga kiritgan aktyor bir qancha qiziq loyihalarda ishtirok etib, muxlislar qalbidan joy olgan. Ammo shunga qaramay, uning ismi “Oskar”ni qo‘lga kiritgan aktyorlar qatorida yo‘q.
Kira Naytli
“Anna Karenina”, “Karib dengizi qaroqchilari”, “Andisha va g‘urur” filmlaridagi esda qolarli rollari bilan yaxshi ma’lum bo‘lgan aktrisa ham uch marta “Oskar”ga nomzod bo‘lgan, ammo mukofotni qo‘lga kiritmagan.
Tom Kruz
Karyerasi davomida samarali ijod qilgani, bir qancha qiziqarli loyihalarda ishtirok etganiga qaramay, Tom ham hali biron marta “Oskar”ni olmagan. 1990-yil “To‘rtinchi iyulda tug‘ilgan”, 1997-yil “Jerri Maguayer” va 2000-yilda “Magnoliya” singari filmlari nomzod bo‘lganiga qaramay, mukofotni qo‘lga kiritmagan.
Sheron Stoun
“Kazino” filmida aktrisa sifatida kashf qilingan, “Oltin globus” mukofotiga sazovor bo‘lgani aktrisa karyerasi davomida bir qancha qiziqarli qahramonlarni gavdalantirganiga qaramay, hali bir marta ham mukofotni qo‘lga kiritmagan.
Kemeron Diaz
“Oltin globus”ga 4 marta nomzodi qo‘yilgan, keyinchalik esa MTV’ga da’vogar bo‘lgan aktrisa turmush qurganidan keyin kinoni tark etishi haqida ma’lum qilgan. Faol suratga tushgan davrida esa rollari esda qolarli bo‘lishiga qaramay, bir marta ham “Oskar”ni qo‘lga kiritmagan.
Izoh (0)