Instagram: Muxlislariga yolg‘on gapirgan Sharof Muqimov, narkotiklarga ruju qo‘ygan va o‘zini o‘ldirmoqchi bo‘lgan Aziz Rametov, Yulduz Rajabovani sevishini tan olgan Emre Kiviljim

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

Shahzoda Muhammedova folloverlariga kun tartibi haqida so‘zlab berdi. Dizayner bir kunda uy ishlari, farzandini parvarishlash, kiyimlar tikish hamda turli ko‘rsatuvlar syomkasiga ham ulgurishini aytib, muxlislarini hayron qoldirdi.

Munisa Rizayeva “Milliy” telekanali tomonidan “Doimo trendda”gi xonanda sifatida e’tirof etildi.

Ulug‘bek Rahmatullayev AQShdagi o‘zbeklar xonadonida mehmon bo‘ldi.

Luiza Rasulova sahifasiga yangi surat joyladi.

Aziz Rametov ilk marta qachonlardir narkotiklarga ruju qo‘ygani hamda o‘sha paytda o‘z joniga qasd qilmoqchi bo‘lgani haqida so‘zlab berdi.

Javohir Zokirov Botir Zokirov xotira kechasida ishtirok etdi.

Bloger Ozod Xurramov “Milliy” telekanali tomonidan “Yil yangiligi” sifatida e’tirof etildi.

“Mendirman Jaloliddin” serialida sevishganlar obrazini gavdalantirgan turk aktyori Emre Kiviljim va Yulduz Rajabova o‘rtasida hayotda ham sevgi uyg‘ongani haqidagi mish-mishlar o‘z tasdig‘ini topdi. Emre o‘z sahifasida Yulduz bilan tushgan suratini joylashtirib, “Tug‘ilgan kuning bilan, sevgilim” deb yozdi.

Nilufar Usmonova yangi “Xatlar yozmayman” deb nomlangan qo‘shig‘ini xonanda hamkasblari davrasida premyera qildi.

Ziyodaning “Tor ko‘cha” qo‘shig‘i “Milliy” telekanali tomonidan “Yilning eng yaxshi qo‘shig‘i” sifatida e’tirof etildi.

Sevara Nazarxon o‘z tug‘ilgan kunida, ya’ni 23-dekabrda Moskva shahrida konsert berdi. Xonanda bugun Toshkentdan Moskvaga jo‘nab ketdi. Uni Rossiya poytaxtida ukasi Davron Nazarxonov kutib oldi.

Xonanda Toshkentda ham bir kun oldin eng yaqin do‘stlari bilan tug‘ilgan kunini nishonladi.

Dilso‘z to‘rtinchi marta ona bo‘lish arafasida ekanini ma’lum qildi.

Xonanda Sharof Muqimov o‘z sahifasi orqali 19-dekabr kuni uch egizak o‘g‘il farzandli bo‘lgani haqida ma’lum qilgan edi. Uning muxlislari xonandani ushbu quvonchli voqea bilan tabriklagan. Aslida esa Sharof Muqimov bir o‘g‘ilning otasi bo‘lgan, uning uch egizak o‘g‘il ko‘rgani shunchaki hazil bo‘lib chiqdi. Xonanda 23-dekabr kuni turmush o‘rtog‘i va o‘g‘lini tug‘ruqxonadan olib chiqdi.

Chaqaloqqa Tohir deb ism qo‘yildi.