Истеъдоди ва маҳорати бир неча марта эътироф этилгани, ролларни қойиллатиб ижро қилишига қарамай исми «Оскар» мукофотини қўлга киритган юлдузлар рўйхатида йўқ бўлган машҳурлар ҳақида Marie Claire нашри маълумот бериб ўтади.
Бенедикт Камбербетч
«Хокинг»да (2004) физик Стивен Хокинг, «Ван Гог: сўзлар билан тасвирланган тасвир»да рассом Ван Гог ва «Доктор Стренж»да (2016) бош қаҳрамон доктор Стренж сифатида роль ижро қилган Бенедикт Камбербетч BAFTA, «Эмми» ва ТV Choice Awards мукофотларини қўлга киритган. Аммо бир неча марта номзод бўлганига қарамай, «Оскар»га бирон марта ҳам сазовор бўлмаган. Актёр бугунги кунда нафақат кино, балки театрда ҳам бирдек фаол.
Моника Белуччи
«Хонадон», «Малена», «Матрица» сингари фильмларда суратга тушган актриса нафақат МТV, балки «Оскар»га ҳам муносиб роллар ижро қилган.
Кичик Роберт Дауни
«Судья», «Чаплин» сингари фильмлардаги қойилмақом ижросидан ташқари, Marvel фильмларида Тони Старк сифатида кўриниш берган актёр бир неча марта номзод бўлганига қарамай, «Оскар» мукофотини қўлга киритмаган.
Ҳелена Бонем Картер
Актриса фильмларда кам кўриниш беради, аммо бу унинг истеъдоди «Оскар»га лойиқ эмаслигини билдирмайди. 1998 йил «Кабутар қанотлари», 2011 йил «Қирол нутқи», шунингдек, «Жанг клуби» сингари фильмлар сабаб «Оскар»га бир неча марта номзод бўлганига қарамай, мукофотни бир марта ҳам қўлга киритмаган.
Жонни Депп
«Оскар»га 3 марта номзод бўлган, «Олтин глобус»га 10 марта номзод бўлиб, бир марта уни қўлга киритган актёр бир қанча қизиқ лойиҳаларда иштирок этиб, мухлислар қалбидан жой олган. Аммо шунга қарамай, унинг исми «Оскар»ни қўлга киритган актёрлар қаторида йўқ.
Кира Найтли
«Анна Каренина», «Кариб денгизи қароқчилари», «Андиша ва ғурур» фильмларидаги эсда қоларли роллари билан яхши маълум бўлган актриса ҳам уч марта «Оскар»га номзод бўлган, аммо мукофотни қўлга киритмаган.
Том Круз
Карьераси давомида самарали ижод қилгани, бир қанча қизиқарли лойиҳаларда иштирок этганига қарамай, Том ҳам ҳали бирон марта «Оскар»ни олмаган. 1990 йил «Тўртинчи июлда туғилган», 1997 йил «Жерри Магуаер» ва 2000 йилда «Магнолия» сингари фильмлари номзод бўлганига қарамай, мукофотни қўлга киритмаган.
Шерон Стоун
«Казино» фильмида актриса сифатида кашф қилинган, «Олтин глобус» мукофотига сазовор бўлгани актриса карьераси давомида бир қанча қизиқарли қаҳрамонларни гавдалантирганига қарамай, ҳали бир марта ҳам мукофотни қўлга киритмаган.
Кемерон Диаз
«Олтин глобус»га 4 марта номзоди қўйилган, кейинчалик эса МТV’га даъвогар бўлган актриса турмуш қурганидан кейин кинони тарк этиши ҳақида маълум қилган. Фаол суратга тушган даврида эса роллари эсда қоларли бўлишига қарамай, бир марта ҳам «Оскар»ни қўлга киритмаган.
Изоҳ (0)