Фарғона шаҳрида Lacetti хизмат машинасида қоида бузган ЙПХ ходимига чора кўрилди, деб хабар бермоқда «Дарё» мухбири.
Маълум қилинишича, ижтимоий тармоқларда вилоят ИИБ ЙҲХБга тегишли давлат рақами 40 222 VSF бўлган Lacetti махсус хизмат автомашинаси йўл ҳаракати қоидаларини бузгани акс этган фотосурат тарқатилган.
Ушбу ҳолат Фарғона вилояти ИИБ ЙҲХБ томонидан ўрганилганда давлат рақами 40 222 VSF бўлган Lacetti махсус хизмат автомашинаси ҳайдовчиси Қўқон шаҳар А. Мамаюсупов кўчасида йўл ҳаракати қоидаларининг 91-бандига амал қилмасдан, пиёдалар ўтиш жойига белгиланган масофадан кам масофада тўхтагани аниқланган.
Жорий йилнинг 19 декабрь куни мазкур махсус хизмат автомобили бириктирилган ЙПХ инспекторига нисбатан тўхташ қоидаларини бузгани бўйича Маъмурий жавобгарлик тўғрисидаги кодекснинг 128-6-модда (транспорт воситалари ҳайдовчиларининг тўхташ ёки тўхтаб туриш қоидаларини бузиши)си 1-қисми тартибида баённома расмийлаштирилган бўлиб, у 540 минг сўм миқдорида жаримага тортилган.
Бундан аввал ҳам Фарғонда тўхташ қоидаларига амал қилмаган яна бир Lacetti махсус хизмат автомашинаси ҳайдовчиси жаримага тортилганди. Нукусда эса алкотестер ўрнига бош кийимидан фойдаланган ЙПХ ходимига қаттиқ ҳайфсан берилди.
Мавзуга доир:
- «Пулингни бераман, ‘без очеред’ ювасан». Қорақалпоғистонда ЙПХ ходими ва автомобиль ювиш шохобчаси ишчиси ўртасида тортишув акс этган видео тарқалди
- Тошкент вилояти ЙҲХБга тегишли Malibu-2 нинг 11 та тўланмаган жаримаси борлиги ҳақидаги хабарларга изоҳ берилди
- ИИВ Tracker’ининг қарийб 150 млн сўмлик қарзи борлиги ва у ЙҲХББ бошлиғи Олим Саидовга тегишли эканлиги юзасидан раддия берилди
- «Камерангни синдириб, қўлингга минг доллар бераман, янгисини оласан». Malibu ҳайдовчиси чақирган сохта ходим ЙПХ инспекторларини ҳақорат қилди (видео)
Изоҳ (0)