Havo bilan shishirilgan tanklar, loyga botib nobud bo‘lgan jirafalar, ko‘zi ojiz fotograf. Hafta suratlari
Hafta davomida kamera obyektiviga muhrlangan sara suratlarni taqdim etamiz.
Timelapse usulida suratga olingan Ispaniya osmonidagi geminid meteorit yomg‘iri va yulduzlar.Foto: Getty Images
Mamlakatning bosh archasi o‘rnatilgan Qibray tumanidagi “Yangi O‘zbekiston” bog‘i yaqinida bekatdan avtobusga chiqayotgan ayol.Foto: Telegram / “Ko Dnu”
Misrning Aleksandriya shahrida yashovchi ko‘zi ojiz fotograf, 22 yoshli Esraa Ismoil onasi yordamida suratga olmoqda.Foto: Reuters
Xalq ta’limi vaziri Baxtiyor Saidov Sirdaryo viloyati maktablarida bo‘ldi. U kirgan ingliz tiliga ixtisoslashgan sinf xonalardan birida yuqori chap burchakdagi yozuv “EHGLISH” ko‘rinishida yozilgan. Aslida “ENGLISH” bo‘lishi kerak edi.Foto: Xalq ta’limi vazirligi
Xitoyning Chjuxay shahrida quyosh botishi paytida ko‘prik ustidagi ishchilar.Foto: Getty Images
Zangiota tumanidagi avtomobillarga gaz quyish shoxobchasida navbatda turgan avtomobillar.Foto: “Daryo” / Sevara Nishonova
Kentukki shtatining Mayfild shahrida tornado oqibatida vayron bo‘lgan kinoteatr.Foto: Getty Images
Yunusobod tumani Abdulla Qodiriy ko‘chasida nonushta uchun yig‘ilgan mushuklar. Ular har kuni ertalab 07:00–07:30 oralig‘ida shu yerga keladi va atrofdagi uylardan g‘amxo‘r odamlar idishlarda ovqat va suv qo‘yib ketadi. Qorinlari to‘ygach, issiqlik chiqib turadigan oqava suvlari qudug‘i ustida isinadi.Foto: “Daryo” / Ziyoda Ramazonova
Rim chekkasidagi suv havzasi ustida tornado sodir bo‘ldi.Foto: Getty Images
Toshkentda safardan kelgan uchuvchini oilasi kutib olmoqda.Foto: “Daryo” / Muqaddas Musayeva
Shvetsiyaning Gavle shahrida Rojdestvo arafasida an’anaviy tarzda somon echki o‘rnatildi. Birinchi marta bunday o‘ziga hos “haykal” shaharda 1966-yilda qurilgan. Keyin uni yoqib yuborishdi. O‘shandan beri bu shaharda har yili o‘rnatilgan somon echkini yoqib yuborish an’anaga aylangan. Shahar hokimligi tomonidan haykal atrofida kuzatuv kameralari o‘rnatilgandi. Biroq bu yil ham somon echkiga o‘t qo‘yib ketildi. Jinoyat sodir etishda gumonlanib 40 yoshli erkak qo‘lga olindi.Foto: EPA
Sharof Rashidov shohko‘chasi, Moliya vazirligi huzuridagi sug‘urta bozorini rivojlantirish agentligi binosi oldidagi yo‘l bo‘ylab to‘planib yotgan xazonlar.Foto: “Daryo” / Ziyoda Ramazonova
Xitoyning Singdao shahridagi safari bog‘ida yashovchi surikatlar.Foto: Getty Images
Toshkentdagi Magic City bog‘ida rangli chiroqlar bilan ko‘rinib turgan “Disney qasri”.Foto: “Daryo” / Muqaddas Musayeva
An’anaviy hind kurashchilari Kolxapurdagi loy joyda mashg‘ulot o‘tkazmoqda.Foto: Getty Images
Kenyadagi Eyrib qishlog‘i chekkasidagi qurib qolayotgan suv havzasidan suv ichishga kelib, loyga botib qolishi oqibatida halok bo‘lgan jirafalar.Foto: Getty Images
Gonkongning mashhur Causeway Bay savdo tumanidagi Jahon savdo markazida chiqqan yong‘indan keyin qutqarib olingan ikki ayol. Katta yong‘in chiqqandan keyin o‘nlab odamlar osmono‘par bino tomida qolib ketgan.Foto: AP Photo
Madrid hayvonot bog‘ida bir-biriga jipslashib yotgan yenotlar.Foto: Getty Images
Shveysariyaning Sion shahrida Santa Klaus libosida kiyingan syorfer sun’iy to‘lqinda sayr qilmoqda.Foto: EPA
Turkiyaning Kars shahridagi qushlar galasi.Foto: Getty Images
Donetskning Avdivka shahridan uncha uzoq bo‘lmagan joyda Rossiya tomonidan qo‘llab-quvvatlangan isyonchi askar xandaq bo‘ylab harakatlanmoqda.Foto: AFP
Markaziy Amerikadan AQShga ketayotgan muhojirlar karvonining bir qismi bo‘lgan bolalar Mexiko shahrida o‘ynamoqda.Foto: Getty Images
Yaponiyaning Tokio janubidagi Fudziyama vulqoni fonida syorfing bilan shug‘ullanayotgan odam.Foto: AP Photo
Florida shtatidagi Surfsayd shahrida o‘ljasini olib ketayotgan qush.Foto: AP Photo
Ukraina poytaxti Kiyev shahridagi metro bekati yaqinida havoda shishirilgan tanklar yonidan o‘tayotgan odamlar.Foto: AFP
Gaitilik immigrantlar oilasi AQSh chegarasida devordagi bo‘shliq tomon yurmoqda. O‘tgan haftada shaharda migrantlar o‘tishlari ko‘paydi, ko‘plab muhojirlar sud qarori bilan Tramp davridagi muhojirlar oqimini to‘xtatish siyosati qayta amalga oshirilishidan oldin AQSh hududiga yetib borishga harakat qilmoqda.Foto: Getty Images
Izoh (0)