Janubiy Koreya seriallarining barcha muxlislari “Kalmar o‘yini” loyihasining davom etishini intiqlik bilan kutmoqda. Rejissor Xvan Don Xyok tomonidan suratga olingan serial butun dunyoda mashhurlikka erishdi. Netflix tarixidagi eng mashhur loyiha kompaniyaga 900 million dollar daromad keltirgan.
Shu sabab bo‘lsa kerak muxbirlar “Kalmar o‘yini” seriali qahramonlarini nima kutayotganini bilishga urinmoqda. Serialda Son Gi Xun sifatida rol ijro qilgan aktyor Li Jon Je o‘zi gavdalantirgan qahramonning taqdiri ikkinchi mavsumda qanday kechishi mumkinligi haqidagi taxminlari bilan bo‘lishdi.
“So‘nggi qismlarda mening qahramonim Gi Xun jiddiyroq bo‘lib qoldi, shu sababdan u yanada dadilroq bo‘ladigandek tuyulyapti menga. Ammo u haddan ortiq qat’iyatli bo‘lsa, odamlar filmni tomosha qilish davomida zerikib qoladi. Shu bois u o‘zidagi alomatlik va quvnoqlikni o‘ldirmaydi, degan umiddaman”, — degan Li Jon Je.
Avvalroq Netflix “Qog‘ozli uy” serialining koreyscha remeykiga buyurtma bergani, unda “Kalmar o‘yini” yulduzi suratga tushishi haqida xabar berilgandi.
Mavzuga doir:
- “Kalmar o‘yini” Gotham Awards versiyasiga ko‘ra yil seriali deb topildi
- Koreyada suratga olingan yangi “Jahannam chaqirig‘i” loyihasi Netflix’da eng ko‘p ko‘rilgan seriallar bo‘yicha “Kalmar o‘yini”dan o‘zib ketdi
- Amerikalik bloger barcha shartlar va bosh sovrini bo‘lgan “Kalmar o‘yini”ni tashkillashtirdi. U buning uchun 3,5 mln dollar sarfladi
- “Kalmar o‘yini-2”: serialning davomi haqida nimalar ma’lum?
Izoh (0)