21:54, 27.11.2021 29337

Koreyada suratga olingan yangi “Jahannam chaqirig‘i” loyihasi Netflix’da eng ko‘p ko‘rilgan seriallar bo‘yicha “Kalmar o‘yini”dan o‘zib ketdi

Netflix’da taqdim qilingan yangi serial tomosha qilinish soni bo‘yicha “Kalmar o‘yini”ni ortda qoldirdi. Endilikda “Jahannam chaqirig‘i” (Hellbound) nomli serial platformada yetakchilik qilmoqda.

Foto: Harper’s Bazaar

Janubiy Koreyada suratga olingan serial ayni vaqtda 80 dan ortiq mamlakatning Netflix chartlarida yetakchilik qilmoqda. FlixPatrol analytics platformasining ma’lumotlariga qaraganda, serial 20-noyabr, ya’ni taqdim qilinganidan 24 soat o‘tib yetakchi bo‘la boshlagan. Umumiy hisobda 46 kun birinchilikda bo‘lgan “Kalmar o‘yini” esa ayni damda ikkinchi o‘rinda.

Ma’lumot uchun, “Jahannam chaqirig‘i”— antiutopiya janridagi serial hisoblanadi. Sujetga ko‘ra, bahaybat maxluqlar asosiy qahramonlarni ta’qib qilib, ularni jahannamga yuborish uchun ovlashga urinadi. Bu esa ommaviy jazavaning paydo bo‘lishi va diniy fanatizmning tarqalishiga olib keladi. Serial epizodining premyerasi 2021-yil sentabrda, Torontodagi kinofestivalda bo‘lib o‘tgan.