Жанубий Корея сериалларининг барча мухлислари «Калмар ўйини» лойиҳасининг давом этишини интиқлик билан кутмоқда. Режиссёр Хван Дон Хёк томонидан суратга олинган сериал бутун дунёда машҳурликка эришди. Netflix тарихидаги энг машҳур лойиҳа компанияга 900 миллион доллар даромад келтирган.
Шу сабаб бўлса керак мухбирлар «Калмар ўйини» сериали қаҳрамонларини нима кутаётганини билишга уринмоқда. Сериалда Сон Ги Хун сифатида роль ижро қилган актёр Ли Жон Же ўзи гавдалантирган қаҳрамоннинг тақдири иккинчи мавсумда қандай кечиши мумкинлиги ҳақидаги тахминлари билан бўлишди.
«Сўнгги қисмларда менинг қаҳрамоним Ги Хун жиддийроқ бўлиб қолди, шу сабабдан у янада дадилроқ бўладигандек туюляпти менга. Аммо у ҳаддан ортиқ қатъиятли бўлса, одамлар фильмни томоша қилиш давомида зерикиб қолади. Шу боис у ўзидаги аломатлик ва қувноқликни ўлдирмайди, деган умиддаман», — деган Ли Жон Же.
Аввалроқ Netflix «Қоғозли уй» сериалининг корейсча ремейкига буюртма бергани, унда «Калмар ўйини» юлдузи суратга тушиши ҳақида хабар берилганди.
Мавзуга доир:
- «Калмар ўйини» Gotham Awards версиясига кўра йил сериали деб топилди
- Кореяда суратга олинган янги «Жаҳаннам чақириғи» лойиҳаси Netflix’да энг кўп кўрилган сериаллар бўйича «Калмар ўйини»дан ўзиб кетди
- Америкалик блогер барча шартлар ва бош соврини бўлган «Калмар ўйини»ни ташкиллаштирди. У бунинг учун 3,5 млн доллар сарфлади
- «Калмар ўйини-2»: сериалнинг давоми ҳақида нималар маълум?
Изоҳ (0)