Rossiyaning SmartAvia kompaniyasi Farg‘ona shahriga muntazam aviaqatnovlarni yo‘lga qo‘ydi, deya xabar qilmoqda Uzbekistan Airports.
Qayd etilishicha, 11-dekabrda ushbu aviakompaniya Domodedovo aeroportidan Farg‘ona aeroportiga birinchi qatnovini amalga oshirdi. An’anaga ko‘ra, samolyot suvli arka bilan kutib olindi.
Moskva–Farg‘ona–Moskva yo‘nalishidagi muntazam qatnovlar haftaning shanba kunlari Boeing-737, 800 va A-321 laynerlarida amalga oshiriladi.
Bundan avval Farg‘ona va Volgograd o‘rtasida muntazam aviaqatnovlar yo‘lga qo‘yilgani, Namangan va Sankt-Peterburg o‘rtasida muntazam aviaqatnovlar yo‘lga qo‘yilgani hamda Maxachqal’adan Navoiy shahriga parvozlar yo‘lga qo‘yilishi haqida xabar berilgandi.
Izoh (0)