So‘nggi kunlarda O‘zbekiston yo‘llarda sodir bo‘lgan hodisalar tafsilotini taqdim etamiz.
Toshkentda Lacetti va Orlando yonib ketdi
Telegram-kanallarda 30-noyabr kuni Toshkentda ikki avtomobil – Lacetti va Orlando yonib ketgani haqida xabarlar tarqaldi.
Ma’lum qilinishicha, Lacetti bilan sodir bo‘lgan yong‘in Yunusobod tumani Kichik halqa yo‘lida ro‘y bergan. Orlando esa Shayxontohur tumani Farobiy ko‘chasida yonib ketgan. Ikki holatda ham hech kim jabrlanmagani aytilmoqda. Holatlar yuzasidan hali rasmiy ma’lumot berilmadi.
Jizzaxda Cobalt piyodani urib ketdi
Jizzax shahri hududidan o‘tuvchi 4R-38 yo‘lining 27- kilometrida “Sayxon” mahallasida yashovchi T.M. boshqaruvidagi Cobalt bilan yo‘lning belgilanmagan joyidan kesib o‘tayotgan piyodani urib yubordi.
“Sangzor” mahallasida istiqomat qiluvchi jabrlanuvchi, 2-guruh nogironi D.M. bosh miya chayqalishi hamda 4 va 5-qovurg‘alarining sinishi tashxisi bilan shifoxonaning jonlantirish bo‘limiga yotqizilgan. Holat yuzasidan tergovga qadar tekshiruv o‘tkazilmoqda.
Nexia bilan Damas to‘qnashdi
Jizzax shahrining “O‘ratepalik” mahallasi hududida Sharof Rashidov tumanining Toqchilik qishloq fuqarolar yig‘inida yashovchi F.O. boshqaruvidagi Nexia bilan qayrilmoqchi bo‘ldi.
Bu harakat tufayli Nexia Damas bilan to‘qnashdi. Oqibatda Damas haydovchisi F.B.ning ukasi, Sharof Rashidov tumani Gandumtosh qishloq fuqarolar yig‘inida yashovchi F.B. o‘ng qo‘l bilak sohasi tepa qismi yopiq sinishi tashxisi bilan shifoxonaga yotqizildi.
Holat yuzasidan tergovga qadar tekshiruv o‘tkazilmoqda.
Izoh (0)