Tashqi mehnat migratsiyasi agentligida pandemiya davrida O‘zbekiston fuqarolarini Belgiya davlatiga ishga jalb qilish va kirishi tartibini muhokama qilish maqsadida uchrashuv tashkil etildi, deya xabar bermoqda agentlik matbuot xizmati.
Uchrashuvda agentlik boshqarma boshliqlari, Belgiyaning Rossiyadagi elchixonasi xodimi va boshqa mas’ul xodimlar ishtirok etdi.
Dastlab ishtirokchilarga agentlik faoliyati haqida ma’lumot berildi. O‘zbekistonda tashqi mehnat migratsiyasi sohasida xalqaro hamkorlikni rivojlantirish borasida amalga oshirilayotgan ishlar alohida ta’kidlandi.
Belgiyada O‘zbekiston fuqarolarini tashkillashtirilgan holda ishga jalb qilish, ularni Yevropa standartlari asosida o‘qitish maqsadida O‘zbekiston hududida talab qilinadigan kasb va xorijiy tillarni o‘rgatish masalalari haqida so‘z yuritildi.
Uchrashuvda nomzodlarga qo‘yiladigan talablar, viza va chet ellik ishchilarni yollash tartibi ham muhokama qilindi.
Mavzuga doir:
- Rossiya va Turkiyadan qaytgan o‘zbekistonlik mehnat migrantlarining tadbirkorlik bilan shug‘ullanishi odatiy holga aylanmoqda. Qanday qilib?
- O‘zbekiston fuqarolarini Slovakiyaga ishga jalb qilish bo‘yicha memorandum imzolandi
- Tashqi mehnat migratsiyasi agentligi Yaponiyada ishlash istagidagi tikuvchi ayollar uchun vakansiya e’lon qildi
Izoh (0)