Ташқи меҳнат миграцияси агентлигида пандемия даврида Ўзбекистон фуқароларини Бельгия давлатига ишга жалб қилиш ва кириши тартибини муҳокама қилиш мақсадида учрашув ташкил этилди, дея хабар бермоқда агентлик матбуот хизмати.
Учрашувда агентлик бошқарма бошлиқлари, Бельгиянинг Россиядаги элчихонаси ходими ва бошқа масъул ходимлар иштирок этди.
Дастлаб иштирокчиларга агентлик фаолияти ҳақида маълумот берилди. Ўзбекистонда ташқи меҳнат миграцияси соҳасида халқаро ҳамкорликни ривожлантириш борасида амалга оширилаётган ишлар алоҳида таъкидланди.
Бельгияда Ўзбекистон фуқароларини ташкиллаштирилган ҳолда ишга жалб қилиш, уларни Европа стандартлари асосида ўқитиш мақсадида Ўзбекистон ҳудудида талаб қилинадиган касб ва хорижий тилларни ўргатиш масалалари ҳақида сўз юритилди.
Учрашувда номзодларга қўйиладиган талаблар, виза ва чет эллик ишчиларни ёллаш тартиби ҳам муҳокама қилинди.
Мавзуга доир:
- Россия ва Туркиядан қайтган ўзбекистонлик меҳнат мигрантларининг тадбиркорлик билан шуғулланиши одатий ҳолга айланмоқда. Қандай қилиб?
- Ўзбекистон фуқароларини Словакияга ишга жалб қилиш бўйича меморандум имзоланди
- Ташқи меҳнат миграцияси агентлиги Японияда ишлаш истагидаги тикувчи аёллар учун вакансия эълон қилди
Изоҳ (0)