Sankt-Peterburg—Namangan yo‘nalishi bo‘yicha uchgan samolyot ekipaji bortidagi yo‘lovchilardan birining muddatdan oldingi tug‘rug‘ini qabul qilishga majbur bo‘ldi. Bu haqda Telegram’dagi “Novosti Tashkentskogo neba” kanali xabar berdi.
“Sankt-Peterburg—Namangan yo‘nalishi bo‘yicha uchgan Rossiyaning ‘Aeroflot’ aviakompaniyasiga tegishli samolyot ekipaji Nijniy Novgorod shahridagi Chkalov aeroportiga favqulodda qo‘nishni amalga oshirdi. Bunga yo‘lovchilardan birida erta to‘lg‘oq boshlangani sabab bo‘lgan”, — deyiladi xabarda.
Tug‘ruq ekipaj tomonidan qabul qilingan, bola va onaning ahvoli yaxshi. Shundan so‘ng, samolyot Namanganga parvozini davom ettirgan.
Eslatib o‘tamiz, 2018-yilning noyabrida Pekin—Toshkent yo‘nalishi bo‘ylab havoga ko‘tarilgan CZ6027 reysi samolyot bortida o‘zbekistonlik ayol farzandini dunyoga keltirgan edi.
Izoh (0)