Футбол бўйича Италия А Сериясининг 13-туридан ўрин олган бир қатор учрашувлар 20 ноябрь, шанба куни бўлиб ўтди.
Флоренцияда ўтган ўйинда жамоалар умумий ҳисобда 7 та гол урди. Дастлаб «Фиорентина» кетма-кет 3 та гол уриб, ҳисобда олдинга чиқиб олди: Алфред Данкан дарвозабоннинг хатосидан фойдаланган бўлса, Риккардо Сапонара узоқ масофадан ажойиб тарзда тўпни дарвозага жойлаб қўйди. Душан Влахович эса дарвозабон билан бирга-бир вазиятга чиқиб, вазиятни гол билан якунлади.
62-дақиқага келиб, 40 ёшли Златан Ибраҳимович катта саҳнага чиқди. У 5 дақиқа ичида дублни расмийлаштириб, ҳисобни қисқартиришга эришди. Биринчи голда ҳимоячининг хатосидан кейин ўз номини таблога ёздириб қўйди. Иккинчи вазиятда эса жамоавий ҳужумни голга айлантирди. Бироқ 85-дақиқага келиб, Влахович жамоасининг ўйиндаги тўртинчи, ўзининг эса иккинчи голини уриб, беллашувга якуний нуқтани қўйиб берди.
«Милан»нинг ҳисобида 32 очко бор, жамоа мусобақа жадвалида 2-ўриндан жой олган. «Фиорентина» эса ғалабадан кейин 7-ўринга кўтарилди.
«Ювентус» «Лацио» майдонига сафар қилиб, Леонардо Бонуччининг иккита пенальтидан урган голлари эвазига ғалабага эришди. Туринликлар бу ғалаба орқали 21 очко билан 5-поғонага кўтарилди.
А Серия
13-тур баҳслари
20 ноябрь, шанба
«Фиорентина» – «Милан» 4:3
Голлар: 1:0 – 15 Данкан, 2:0 – 45 Сапонара, 3:0 – 60 Влахович, 3:1 – 62 Ибраҳимович, 3:2 – 67 Ибраҳимович, 4:2 — 85 Влахович, 4:3 — 90+6 автогол Лоренцо Венути.«Фиорентина» – Терраччано, Одриосола, Венути, Игорь Жулио, Бираги, Бонавентура (Кастровилли, 69), Данкан, Торрейра, Сапонара, Кальехон (Гонсалес, 69), Влахович.
«Милан» – Тетерушану, Калулу (Флоренци, 57), Кьер, Габбия, Эрнандес, Кессиэ, Saleмакерс (Junior Мессиас, 57), Тонали (Беннасер, 74), Ибраҳимович, Рафаэл Леау (Крунич, 80), Браим Диас (Жиру, 57).
«Лацио» – «Ювентус» 0:2
Голлар: 0:1 – 23, пенальти Бонуччи, 0:2 – 83, пенальти Бонуччи.«Лацио» – Рейна, Ачерби, Луис Фелипе, Ҳюсай, Луис Альберто, Каталди (Башич, 84), Милинкович-Савич, Лазари, Заккани (Мурики, 65), Педро, Фелипе Андерсон (Моро, 75).
«Ювентус» – Шченсни, Бонуччи, Данило (Кулусевски, 15), де Лигт, Пеллегрини, Куадрадо, Рабьо, Локателли (Бентанкур, 89), Маккенни, Мората (Кин, 74), Кьеза.
Огоҳлантиришлар: Куадрадо (28), Хьюсай (43), Рейна (81), Луис Альберто (82).
Изоҳ (0)