Senatning yangi binosi yaqinidagi ko‘cha bir necha kun ketma-ket tig‘iz vaqtda ogohlantirishsiz yopib qo‘yildi

Toshkentning qoq markazi – Islom Karimov shohko‘chasida bir necha kundan buyon tig‘iz vaqtda yo‘l to‘sib qo‘yilmoqda. Ichki ishlar vazirligi va shahar hokimligi tomonidan esa hech qanday ogohlantirish berilmagan.

Bir necha kun ketma-ket poytaxtning qoq markazida, Markaziy univermag (SUM), Alisher Navoiy nomidagi Davlat akademik katta teatri, Senatning yangi binosi va Beeline ofisi yaqinida kunning tig‘iz vaqtida katta tirbandlik yuzaga keldi.

Guvohlarning so‘zlariga ko‘ra, sobiq Tashqi ishlar vazirligi binosi, hozir esa Senatning yangi binosi yaqinidagi hududni obodonlashtirish bo‘yicha olib borilayotgan tezkor ishlar munosabati bilan yo‘l yopilgan.

Tasdiqlanmagan ma’lumotlarga ko‘ra, bino 4-noyabr kuni ochiladi.