Тошкентнинг қоқ маркази – Ислом Каримов шоҳкўчасида бир неча кундан буён тиғиз вақтда йўл тўсиб қўйилмоқда. Ички ишлар вазирлиги ва шаҳар ҳокимлиги томонидан эса ҳеч қандай огоҳлантириш берилмаган.
Бир неча кун кетма-кет пойтахтнинг қоқ марказида, Марказий универмаг (ЦУМ), Алишер Навоий номидаги Давлат академик катта театри, Сенатнинг янги биноси ва Beeline офиси яқинида куннинг тиғиз вақтида катта тирбандлик юзага келди.
Гувоҳларнинг сўзларига кўра, собиқ Ташқи ишлар вазирлиги биноси, ҳозир эса Сенатнинг янги биноси яқинидаги ҳудудни ободонлаштириш бўйича олиб борилаётган тезкор ишлар муносабати билан йўл ёпилган.
Тасдиқланмаган маълумотларга кўра, бино 4 ноябрь куни очилади.
Ҳолат юзасидан ҳокимлик ва Ички ишлар вазирлиги матбуот хизмати эса ҳеч қандай маълумот тақдим этмаган.
Изоҳ (0)