Futbol bo‘yicha Italiya A Seriyasining 11-turidan o‘rin olgan qator uchrashuvlar 31-oktabr, yakshanba kuni bo‘lib o‘tdi.
Turning markaziy o‘yinida “Roma” va “Milan” jamoalari o‘zaro to‘qnash keldi. Uchrashuvning 25-daqiqasida Zlatan Ibrahimovich jarima zarbasini qoyilmaqom ijro etib, milanliklarni oldinga olib chiqdi. Ikkinchi bo‘lim debyutida Frank Kessie penaltini aniq amalga oshirgan holda “Milan”ning ikkinchi golini urdi.
67-daqiqada milanliklar bir o‘yinchi kam bo‘lib qoldi. Teo Ernandes ikkinchi sariq kartochkasini olib, maydonni tark etdi. Eldor Shomurodov 80-daqiqada zaxiradan maydonga tushdi. Hakam tomonidan qo‘shib berilgan vaqtda Stefan ash-Shaaravi hisobni qisqartirishga erishdi.
“Inter” o‘z maydonida “Udineze”ni qabul qildi va Xoaking Korreaning dubli evaziga uch ochkoga ega chiqdi. “Napoli” esa asabiy ruhda kechgan bahsda “Salernitana”dan ustun keldi.
11-turdan keyin “Napoli” va “Milan” 31 ochkodan jamg‘argan holda peshqadam bo‘lib turibdi. “Inter” 24 ochko bilan uchinchi o‘rindan joy olgan bo‘lsa, “Roma” (19) 4-pog‘onani band etgan.
Top-5 ligalar onlayn jadvallari, o‘yinlar taqvimi, to‘purarlar ro‘yxati — ko‘rish.
A Seriya
11-tur bahslari
31-oktabr, yakshanba
“Roma” — “Milan” 1:2
Gollar: 0:1 – 25 Ibrahimovich, 0:2 – 57, penalti Kessie, 1:2 – 90+3 ash-Shaaravi.“Roma”: Ruy Patrisiu, Karsdorp (Shomurodov, 80), Manchini, Rojer, Vinya (Karles Peres, 68), Mxitaryan (Afena-Gyan, 46), Veretu, Kristante, Pellegrini, Zaniolo, Abraham (ash-Shaaravi, 63).
“Milan”: Teterushanu, Kalabriya, Kyer, Tomori, Ernandes, Krunich (Bakayoko, 77), Kessie, Bennaser (Romanyoli, 76), Salemakers (Ballo-Ture, 68), Ibrahimovich (Jiru, 57), Rafael Leau (Tonali, 76).
Ogohlantirishlar: Zaniolo (7), Karsdorp (24), Ibrahimovich (26), Ernandes (41), Manchini (49), Tomori (65), Kalabriya (67), Jiru (77), Kessie (81).
Chetlatish: Ernandes (66).
“Inter” — “Udineze” 2:0
Gollar: 1:0 – 60 Korrea, 2:0 – 68 Korrea.“Inter”: Handanovich, Dumfris, Ranokkiya, Shkrinyar, Bastoni, Perishich (Dimarko, 85), Brozovich, Chalxono‘g‘lu (Vidal, 70), Barella (Sensi, 80), Korrea (Sanches, 70), Jeko (Martines, 80).
“Udineze”: Silvestri, Molina (Soppi, 89), Nyuytink, Samir, Rodrigo Bekao, Larsen (Udoji, 69), Yayalo (Uolas, 59), Pereyra, Makengo (Arslan, 69), Saksess (Deulofeu, 59), Betu.
Ogohlantirishlar: Betu (38), Pereyra (51).
“Salernitana” — “Napoli” 0:1
Gol: 0:1 – 61 Zelinski.Chetlatishlar: Kastanos (69) — Kulibali (76).
Izoh (0)