U-23 Osiyo Kubogi—2022 saralash bosqichidan o‘rin olgan O‘zbekiston U-21 — Bangladesh U-23 uchrashuvi 30-oktabr, shanba kuni bo‘lib o‘tdi.
Uchrashuvning 12-daqiqasida Ulug‘bek Hoshimov hisobni ochgan bo‘lsa, 15-daqiqada Eldorbek Begimov ikkinchi gol muallifiga aylandi. 17-daqiqada Hoshimov dublni rasmiylashtirdi. 27-daqiqada Asliddin Toshtemirov o‘zbekistonliklarning to‘rtinchi golini urdi.
64-daqiqada Abbosbek Fayzullayev, 88-daqiqasida Alisher Odilov gol urdi va hisobni 6:0 ko‘rinishiga olib keldi.
D guruhining ikkinchi o‘yinida Kuvayt va Saudiya Arabistoni o‘zaro bahs olib bordi. Unda kuvaytliklar 2:1 hisobida g‘alaba qozondi.
Eslatib o‘tamiz, Osiyo Kubogi—2022 musobaqasi O‘zbekistonda bo‘lib o‘tadi. Shu sabab Temur Kapadze jamoasining ushbu saralash bosqichidagi natijasi O‘zbekistonning Osiyo Kubogidagi ishtirokiga ta’sir qilmaydi.
U-23 Osiyo Kubogi saralashi
2-tur bahslari
30-oktabr, shanba
O‘zbekiston U-21 – Bangladesh U-23 6:0
Gollar: 1:0 — 12 Ulug‘bek Hoshimov, 2:0 — 15 Eldorbek Begimov, 3:0 — 17 Ulug‘bek Hoshimov, 4:0 — 27 Asliddin Toshtemirov, 5:0 — 64 Abbosbek Fayzullayev, 6:0 — 88 Alisher Odilov.O‘zbekiston U-21: 1. Shukron Yo‘ldoshev, 3. Asliddin Toshtemirov, 6. Timur Mamasidiqov (7. Hojimat Erkinov, 62), 8. Davron Anvarov, 9. Ulug‘bek Hoshimov (17. Diyor Xolmatov, 82), 13. Eldorbek Begimov, 14. Bektemir Abdumannonov (22. Alisher Odilov, 62), 15. Odilbek Abdumajidov, 16. Abbosbek Fayzullayev, 18. Sunnatilloh Hamidjonov, 23. Abdurauf Bo‘riyev (20. Diyorbek Rahimqulov, 62).
Bangladesh U-23: 1. Pappu Hussayn, 2. Rahmat Mia, 3. Tutul Badsha, 4. Yaeasin Arafat, 5. Riyadul Hasan, 6. Manik Hussayn Molla, 7. Faysal Ahmad Fahim, 8. Maraz Hussayn, 10. Mahbubur Rahmon (20. Enamul Islam Gazi, 87), 12. Yusuf Zulqurnayn Xoque, 18. Ridoy (14.Abu Shaeid, 87).
Ogohlantirishlar: Yusuf Zulqarnayn Xoque (20), Eldorbek Begimov (37).
Izoh (0)