Liberal-demokratik partiyadan O‘zbekiston prezidentligiga ko‘rsatilgan nomzod Shavkat Mirziyoyev Mirzo Ulug‘bek tumani “Alisher Navoiy” mahallasidagi 59-saylov uchastkasiga tashrif buyurib, ovoz berish jarayonida ishtirok etdi, deya xabar bermoqda jurnalist Aziza Qurbonova.

Shavkat Mirziyoyev o‘g‘li Miralisher bilan.

Foto: Prezident matbuot xizmati

Shavkat Mirziyoyev o‘g‘li Miralisher va nevarasi Miromon bilan.

Foto: Prezident matbuot xizmati

Shavkat Mirziyoyev o‘g‘li Miralisher va nevarasi Miromon bilan; orqa fonda (chapdan) Shavkat Mirziyoyevning rafiqasi Ziroat Mirziyoyeva va to‘ng‘ich qizi Saida Mirziyoyeva.

Foto: Prezident matbuot xizmati

Shavkat Mirziyoyev nevarasi Ma’rifatxon (chapdan birinchi), rafiqasi Ziroat Mirziyoyeva, nevarasi Saodatxon (o‘ng tomonida), o‘g‘li Miralisher (chap tomonida) va nevarasi Miromon bilan birga.

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Foto: Prezident matbuot xizmati

Chapdan: Otabek Umarov, Shahnoza Mirziyoyeva, Ma’rifatxon Umarova — Ziroat Mirziyoyeva, Miralisher Mirziyoyev, Shavkat Mirziyoyev — Miromon Tursunov, Saida Mirziyoyeva, Saodatxon Tursunova, Oybek Tursunov.

Foto: Prezident matbuot xizmati

Avvalroq Shavkat Mirziyoyevning kenja kuyovi Otabek Umarov rafiqasi Shahnoza Mirziyoyeva bilan birga ovoz berish uchun saylov uchastkasiga otlangani aks etgan suratni e’lon qilgan edi.

Ma’lumot uchun, Shavkat Mirziyoyev 1957-yil 24-iyulda Jizzax viloyatining Zomin tumanida shifokor oilasida tug‘ilgan. Millati — o‘zbek. Ma’lumoti — oliy. 1981-yilda Toshkent irrigatsiya va qishloq xo‘jaligini mexanizatsiyalash muhandislari institutini tamomlagan. Ixtisosligi — muhandis-mexanik. Texnika fanlari nomzodi, dotsent.

Mehnat faoliyatini 1981-yilda Toshkent irrigatsiya va qishloq xo‘jaligini mexanizatsiyalash muhandislari institutida kichik ilmiy xodimlikdan boshlab, katta o‘qituvchi, dotsent, o‘quv ishlari bo‘yicha prorektor lavozimlarida ishlagan. 1990-yilda Respublika Oliy Soveti deputati etib saylanib, Mandat komissiyasining raisi sifatida ham faoliyat yuritgan.

1992-yilda Toshkent shahrining Mirzo Ulug‘bek tumani hokimi, 1996—2001-yillarda Jizzax viloyati hokimi, 2001—2003-yillarda Samarqand viloyati hokimi lavozimlarida xizmat qilgan. Ijro hokimiyatidagi faoliyati bilan bir paytda 1995—2003-yillarda Oliy Majlis deputati sifatida qonunchilik jarayonida ham ishtirok etgan.

Shavkat Mirziyoyev 2003-yilda O‘zbekiston bosh vaziri etib tasdiqlanib, 2016-yilga qadar faoliyat yuritgan. 2016-yil dekabr oyidan hozirgi vaqtga qadar O‘zbekiston prezidenti sifatida xizmat qilib kelmoqda. “Mehnat shuhrati” va “Fidokorona xizmatlari uchun” ordenlari bilan taqdirlangan.

Oilali — ikki qizi, bir o‘g‘li, olti nafar nevarasi bor. Rafiqasi Ziroat Mirziyoyeva “Zamin” fondi vasiylik kengashi raisi sifatida faoliyat ko‘rsatmoqda.