Футбол бўйича Италия А Сериясининг 8-турида «Милан» 16 октябрь, шанба куни «Верона» билан баҳс юритди.
Миланда ўтган ўйиннинг 7-дақиқасида ҳисоб очилди, Жанлука Капрари ҳимоячиларнинг хатосидан фойдаланиб, ажойиб зарбаси билан ҳисобни очди. 24-дақиқага келиб, меҳмонлар 11 метрлик жарима зарбасидан урилган гол эвазига ҳисобни ошириб олди.
Бироқ миланликлар иккинчи бўлимда кетма-кет учта гол уришнинг уддасидан чиқиб, ғалабани илиб кетди. Дастлаб Оливье Жиру қанотдан оширилган тўпни боши билан дарвозага жойлаб қўйди, Франк Кессиэ эса пенальтини аниқ амалга ошириб, мувозанатни тиклади. Стефано Пиоли жамоасига ғалаба келтирган голга Корай Гюнтер муаллифлик қилди, «Верона» ҳимоячиси ўз дарвозасини ишғол этиб қўйди.
Ушбу ғалабадан кейин «Милан» 22 очко билан пешқадамлик қилмоқда. «Верона» эса 12-ўриндан жой олган.
«Интер» сафарда «Лацио» билан баҳс юритди ва 1:3 ҳисобида мағлубиятга учради. Рим клуби сафида Чиро Иммобиле, Фелипе Андерсон ва Сергей Милинкович-Савич ўз номини таблога ёздириб қўйган бўлса, Милан жамоасининг ягона голига Иван Перишич муаллифлик қилди.
«Интер» 17 очко билан 3-ўринда бормоқда, «Лацио» (14) ғалабадан кейин 5-ўринга кўтарилди.
А Серия
8-тур баҳси
16 октябрь, шанба
«Милан» – «Верона» 3:2
Голлар: 0:1 – 7 Капрари, 0:2 – 24, пенальти Барак, 1:2 – 59 Жиру, 2:2 – 76, пенальти Кессиэ, 3:2 – 78, автогол Гюнтер.«Милан» – Тетерушану, Калабрия, Романьоли, Томори, Балло-Туре, Кессиэ, Беннасер (Ибраҳимович, 77), Saleмакерс (Кастильехо, 46), Жиру (Тонали, 82), Ребич (Рафаэл Леау, 36), Мальдини (Крунич, 46).
«Верона» – Монтипо, Фараони, Чеккерини (Шутало, 46), Гюнтер, Казале, Лазович (Канчелери, 79), Велозу (Тамез, 60), Барак, Илич, Калинич (Лазанья, 64), Капрари (Симеоне, 60).
Огоҳлантиришлар: Чеккерини (5), Калинич (25), Казале (38), Велозу (54), Балло-Туре (81).
«Лацио» – «Интер» 3:1
Голлар: 0:1 – 12, пенальти Перишич, 1:1 – 64, пенальти Иммобиле, 2:1 – 81 Фелипе Андерсон, 3:1 – 90 Милинкович-Савич.«Лацио» – Рейна, Марушич, Габаррон, Луис Фелипе, Ҳюсай (Ладзари, 66), Лейва (Каталди, 85), Милинкович-Савич, Башич (Луис Альберто, 66), Педро (Заккани, 75), Иммобиле, Фелипе Андерсон (Акпа-Акпро, 86).
«Интер» – Ҳанданович, Дармиан, де Врей, Шкриньяр, Бастони (Думфрис, 67), Димарко, Перишич (Корреа, 67), Брозович, Гальярдини (Весино, 67), Барелла (Чалханўғлу, 86), Жеко (Мартинес, 76).
Огоҳлантиришлар: Башич (27), Гальярдини (36), Бастони (63), Фелипе Андерсон (83), Милинкович-Савич (83), Мартинес (83), Думфрис (83), Корреа (87), Дармиан (90).
Четлатиш: Луис Фелипе (90).
Изоҳ (0)