O‘zbekistonning Hindistondagi elchixonasi ushbu mamlakatda COVID-19 bilan bog‘liq holat yaxshilangani tufayli turistik vizalar berishni qayta tikladi. Bu haqda elchixona matbuot xizmati xabar berdi.
Qayd etilishicha, Hindistonga sayyohlik maqsadida tashrif buyurmoqchi bo‘lgan barcha fuqarolar 15-oktabrdan boshlab charter reyslar orqali (faqat guruhli turizm uchun) Hindistonga turistik viza bilan kirishga ruxsat beriladi. Hindistonga shu maqsadda yakka tartibda tashrif buyurmoqchi fuqarolarga esa 15-noyabrdan sayyohlik vizasi bilan kirishga ruxsat beriladi.
Buning uchun ular yangi sayyohlik vizasini olishlari shart, chunki amaldagi sayyohlik vizasining (agar fuqaro shunday vizaga ega bo‘lsa) amal qilish muddati hali ham to‘xtatib turilmoqda.
Fuqarolar Hindistonga suv yo‘llari yoki aviaparvozlar orqali, yoki Fuqaro aviatsiyasi vazirligi tomonidan ruxsat bergan har qanday rejali/rejasiz tijorat reyslari orqali kirishiga ruxsat beriladi. Quruqlikdagi integratsiyalashgan nazorat punktlari orqali sayyohlik vizasi bilan kirishga aslo yo‘l qo‘yilmaydi.
Mamlakatga tashrif buyuruvchilar karantin va COVID-19 bilan bog‘liq boshqa talablarga rioya etishlari shart.
Izoh (0)