O‘zbekistonda ixtisoslashtirilgan ta’limning yangi tizimi — Prezident maktablari tashkil etildi. 2021-yilda Qarshi shahrida ham shunday maktab foydalanishga topshirildi.
Shavkat Mirziyoyev Qashqadaryo viloyatiga tashrifi chog‘ida ushbu muassasani ko‘zdan kechirdi.
168 o‘rinli maktab binosi va yotoqxona Prezident maktablari standarti asosida qurilgan. Fan xonalari, laboratoriyalar, sport zallarida eng zamonaviy sharoitlar yaratilgan.
Ma’lum qilinishicha, bu yil maktabga 10 mingdan ziyod o‘quvchi hujjat topshirib, shundan 144 nafari qabul qilindi. Ta’lim jarayoni rivojlangan davlatlar tajribasi asosida ishlab chiqilgan o‘quv rejalari va dasturlari bo‘yicha ingliz tilida olib boriladi. Buning uchun eng malakali o‘qituvchilar, jumladan, 10 nafar chet ellik mutaxassis jalb qilingan. 15 o‘rinli o‘qituvchilar mehmonxonasi qurilgan.
Prezident Shavkat Mirziyoyev o‘quvchilar bilan suhbatlashdi.
“Bu hayotlaringizdagi birinchi eng katta g‘alabangiz. Ana shu g‘alaba bilan sizlarni tabriklayman, ota-onangizga rahmatlar aytaman. O‘z kelajagingizga zamin yaratyapsiz. Vaqtdan, bu sharoitlardan unumli foydalaninglar. Bugungi muvaffaqiyat — tarix. Yana ham ko‘proq o‘qib, izlanishdan to‘xtamanglar. Kelgusida yangi O‘zbekistonning munosib farzandlari bo‘lib yetishasizlar. Men bunga ishonaman”, — dedi Shavkat Mirziyoyev.
Prezident maktabi bilan viloyatdagi boshqa maktablar o‘rtasida tajriba almashinuvni yo‘lga qo‘yish, shu asosida aniq fanlarni o‘qitish metodologiyasini yangilash zarurligi ta’kidlandi.
Mavzuga doir:
- “Qashqadaryoning bir qator tumanlarida bog‘cha to‘lovi 2 barobarga kamaytiriladi” – Shavkat Mirziyoyev
- Shavkat Mirziyoyev Chiroqchini ikkiga bo‘lish, Shahrisabz tumani markazini esa boshqa joyga ko‘chirish taklifini berdi
- Shavkat Mirziyoyev hokim yordamchilari lavozimlarini joriy etish taklifini bildirdi. Ular ishsizlikni kamaytirish va kambag‘allikni qisqartirish bilan shug‘ullanadi
Izoh (0)