Bugun,

  • USD 11095.31
  • RUB 173.84
  • EUR 10772.44

Rossiyalik muxolifatchi Aleksey Navalniyning ma’lum qilishicha, u qochishga moyil mahbuslarning profilaktik reyestridan chiqarilgan. Shu bilan birga, muxolifatchi endilikda “ekstremist va terrorchi” sifatida ro‘yxatga olingan, deb yozadi “Kommersant”.

Foto: “Kommersant”

Foto: “Kommersant”

Sentabr oyining oxirida Rossiya Tergov qo‘mitasi Navalniy va uning sheriklariga qarshi ekstremistik jamiyat tuzish bo‘yicha ish ochgandi.

Navalniy firibgarlik va jinoiy mablag‘larni legallashtirishga oid “Iv Roshe” ishi bo‘yicha Vladimir viloyatidagi koloniyada ikki yil olti oylik muddatini o‘tamoqda. Qishda u qochishga moyil deya ro‘yxatga olingan, muxolifatchining so‘zlariga ko‘ra, shu sababli kechalari har soatda uni uyg‘otib turishgan. Navalniyni ushbu ro‘yxatdan olib tashlash to‘g‘risidagi qaror maxsus yig‘ilgan komissiya tomonidan qabul qilingan, yig‘ilishga Navalniy ham taklif etilgan. Dastlab, komissiya a’zolari bir ovozdan uni qochishga moyil mahbuslar ro‘yxatidan chiqarib tashlashga, so‘ngra uni “ekstremist va terrorchi” sifatida ro‘yxatga olishga ovoz bergan.

“Bu yaxshi yangilik. ‘Ekstremist’ va ‘terrorchi’ deya hisobga olinish ‘qochoq’ kabi charchatmaydi. ‘1976-yilda tug‘ilgan Aleksey Anatolyevich Navalniy IK-2, 2-bo‘linma hududida noqonuniy ushlab turilibdi’ iborasini nazarda tutdim. Men bu iborani videoregistratorga 1669 marta aytganman (shu tariqa mahbusning qochib ketmagani har ikki soatda tekshiriladi). Men bundan o‘lguday charchaganman”, — deya muxolifatchining so‘zlari keltirildi uning Instagram sahifasida.

Tergov qo‘mitasining fikricha, Navalniy va uning sheriklari davlat hokimiyatini obro‘sizlantirish, hokimiyatni zo‘ravonlik bilan o‘zgartirish va “tartibsizliklarga aylanadigan norozilik harakatlari”ni tashkil etish zarurligi to‘g‘risida jamoatchilik fikrini shakllantirish maqsadida 2014-yildan buyon turli tuzilmalar tuzmoqda. Bu ish bo‘yicha ayblanuvchilarning deyarli barchasi chet elda, lekin ekspertlarning tan olishicha, Rossiyada qolgan o‘nlab va hatto yuzlab muxolifat tarafdorlari ham ayblanishi mumkin.

Izoh
Asosiy yangiliklar
Dunyo
“Ukrainadagi urushni Rossiya boshlamagan” — Putin (video)
Mahalliy
O‘zbekistonda davlat tashkilotlari mashinalariga gaz quyish vaqtincha taqiqlandi
Mahalliy
Toshkentda Cobalt yo‘ldan o‘tayotgan ona-bolani urib yubordi (video)