Qamchiq dovonida 5-oktabr kuni kechasi qor yog‘di. Bu haqda YHXBB matbuot xizmati xabar qildi.
Boshqarma yo‘llar nam bo‘lganligi bois, haydovchilardan keskin tormoz bermasliklarini so‘ragan. Keskin tormoz — sirpanish holatlarini yuzaga keltirishi, buning oqibatida esa ko‘ngilsiz hodisa sodir bo‘lishi mumkinligi eslatib o‘tilgan.
“Barcha haydovchilardan qoidalarga rioya qilishlarini, dovon yo‘lidan harakatlanib o‘tuvchilardan esa o‘ta ehtiyotkor bo‘lishlarini so‘raymiz”, — deyiladi YHXBB xabarida.
Bundan avval “O‘zgidromet” O‘zbekistonning aksariyat hududlarida 6-oktabr kuni yomg‘ir yog‘ishi, baland tog‘larda qor yog‘ishi mumkinligi haqida xabar bergandi.
Izoh (0)