Sirdaryo viloyatining Boyovut tumani hokimi tumanning turli hududlaridagi 866 dona qurib qolgan daraxtlarni ommaviy ravishda kesishga ruxsat bergani haqidagi xabarlar keskin tanqidlarga sabab bo‘lgach, tuman hokimligi matbuot xizmati bunga izoh berdi.
Unda aytilishicha, 2 yildan buyon viloyat bo‘ylab “Bir million daraxt” aksiyasi o‘tkazilib, aksiya doirasida tuman-u shaharlarda ko‘plab manzarali daraxt ko‘chatlari ekilib, parvarish qilib kelinmoqda. 2021-yilda ham Boyovut tumanida ushbu aksiyani davom ettirish uchun tayyorgarlik olib borilmoqda.
2021-yilning may—iyul oylarida mas’ul tashkilotlar hamda Sirdaryo viloyati Ekologiya va atrof-muhitni muhofaza qilish boshqarmasi ishtirokida o‘tkazilgan o‘rganish davomida jami 869 tup qurigan daraxt, shundan 828 tup bahorda ekilib, qurigan ko‘chatlar aniqlangan.
Shu sababli kuzgi ko‘chat ekish mavsumigacha ushbu ko‘chatlar o‘rnini yangisi uchun tayyorlash rejalashtirilgan.
Sirdaryo viloyati Ekologiya va atrof-muhitni muhofaza qilish boshqarmasi axborot xizmati xabariga ko‘ra, tegishli tartibda o‘rganishlar olib borilganda, jami ekilgan 9 turdagi 5371 dona manzarali daraxt ko‘chatidan 828 donasi tabiiy iqlim ta’sirida qurib qolgani aniqlangan.
Shu sababli ularning o‘rnini yangi ko‘chatlar ekish sharti bilan qurigan ko‘chatlarni olib tashlashga ruxsat berilgan.
“Shu o‘rinda faol jurnalist va blogerlardan ushbu masalani noto‘g‘ri talqin qilishdan tiyilishga chaqirib qolamiz”, — deyiladi hokimlik xabarida.
Mavzuga doir:
- Surxondaryoda tuman hokimining yer ajratish bo‘yicha qarori bilan tut daraxtlarini kesib tashlab, 31 mln so‘m zarar keltirgan shaxs 1,3 mln so‘m jarimaga tortildi
- Toshkent shahar prokuraturasi binosi oldida daraxtlar tuman hokimining qarori bilan kesilgani ma’lum bo‘ldi
- Rasul Kusherbayev: “Denovda 109 tup daraxtning noqonuniy kesilishi yuzasidan nega jinoyat ishi qo‘zg‘atilmadi?”
- “Amirsoy” kurort zonasida 700 tup atrofida qimmatbaho daraxtlar kesib tashlangani bo‘yicha jinoyat ishi qo‘zg‘atildi
Izoh (0)