O‘zbekiston hududining katta qismida 4-oktabr, dushanba kuni harorat 17-22 daraja iliq bo‘lib, quyoshli va nisbatan iliq ob-havo bo‘lishi kutilmoqda, deb xabar bermoqda “O‘zgidromet”.
5-oktabr, seshanba kuni viloyatlarda tekis harorat fonida quruq va kam bulutli ob-havo saqlanib turadi, faqat shimoliy hududlarga Kavkazdan yana sovuq va kuchsiz havo massalari kirib keladi. O‘zbekistonda yog‘ingarchilik kutilmaydi, faqat Qoraqalpog‘istonda, Xorazm viloyatining ba’zi joylarida biroz yomg‘ir yog‘ishi mumkin.
6-oktabr kuni ushbu havo massasi respublikaning markaziy va sharqiy tumanlariga ta’sir etadi. Toshkent, Samarqand, Jizzax, Sirdaryo, Qashqadaryo viloyatlarining ba’zi joylarida biroz yomg‘ir yog‘adi. Havo massalari Farg‘ona vodiysiga o‘tish davrida yomg‘irlar jadalligi kuchayadi, ushbu hududda biroz yomg‘ir yog‘ib o‘tadi.
5—6-oktabrda shimolda va cho‘l hududlarining ba’zi joylarida shamol tezligi 15-20 metr/sekundgacha kuchayishi kutilmoqda.
Havo harorati kechalari 5-10 daraja iliqni tashkil etadi, kunduz kunlari 13-15 darajagacha iliq bo‘ladi.
Chorshanba kuni yomg‘ir yog‘adi, hududlarning katta qismida kam bulutli ob-havo bo‘lishi kutilmoqda va harorat yana 17-20 darajagacha ko‘tariladi. Yomg‘ir yog‘ish ehtimoli faqat Farg‘ona vodiysida va faqat ertalab saqlanib turadi.
Ammo quruq va nisbatan iliq ob-havo uzoq davom etmaydi. 8-oktabr payshanba kuni respublika hududiga Kaspiy dengizning janubiy qirg‘og‘idan yana nam havo massalari kirib kelishi kutilmoqda. Toshkent, Samarqand, Jizzax, Sirdaryo viloyatlarida ba’zi joylarda biroz yomg‘ir yog‘ishi mumkin.
Ushbu kunlarda havo harorati yana 13-15 darajagacha pasayadi.
Xabarda ta’kidlanishicha, ayrim kunlarda haroratning ko‘tarilishiga qaramay, o‘rtacha bu hafta ushbu davr me’yoridan 5-7 darajaga sovuqroq bo‘ladi.
Izoh (0)