Ўзбекистон ҳудудининг катта қисмида 4 октябрь, душанба куни ҳарорат 17-22 даража илиқ бўлиб, қуёшли ва нисбатан илиқ об-ҳаво бўлиши кутилмоқда, деб хабар бермоқда «Ўзгидромет».
5 октябрь, сешанба куни вилоятларда текис ҳарорат фонида қуруқ ва кам булутли об-ҳаво сақланиб туради, фақат шимолий ҳудудларга Кавказдан яна совуқ ва кучсиз ҳаво массалари кириб келади. Ўзбекистонда ёғингарчилик кутилмайди, фақат Қорақалпоғистонда, Хоразм вилоятининг баъзи жойларида бироз ёмғир ёғиши мумкин.
6 октябрь куни ушбу ҳаво массаси республиканинг марказий ва шарқий туманларига таъсир этади. Тошкент, Самарқанд, Жиззах, Сирдарё, Қашқадарё вилоятларининг баъзи жойларида бироз ёмғир ёғади. Ҳаво массалари Фарғона водийсига ўтиш даврида ёмғирлар жадаллиги кучаяди, ушбу ҳудудда бироз ёмғир ёғиб ўтади.
5—6 октябрда шимолда ва чўл ҳудудларининг баъзи жойларида шамол тезлиги 15-20 метр/секундгача кучайиши кутилмоқда.
Ҳаво ҳарорати кечалари 5-10 даража илиқни ташкил этади, кундуз кунлари 13-15 даражагача илиқ бўлади.
Чоршанба куни ёмғир ёғади, ҳудудларнинг катта қисмида кам булутли об-ҳаво бўлиши кутилмоқда ва ҳарорат яна 17-20 даражагача кўтарилади. Ёмғир ёғиш эҳтимоли фақат Фарғона водийсида ва фақат эрталаб сақланиб туради.
Аммо қуруқ ва нисбатан илиқ об-ҳаво узоқ давом этмайди. 8 октябрь пайшанба куни республика ҳудудига Каспий денгизнинг жанубий қирғоғидан яна нам ҳаво массалари кириб келиши кутилмоқда. Тошкент, Самарқанд, Жиззах, Сирдарё вилоятларида баъзи жойларда бироз ёмғир ёғиши мумкин.
Ушбу кунларда ҳаво ҳарорати яна 13-15 даражагача пасаяди.
Хабарда таъкидланишича, айрим кунларда ҳароратнинг кўтарилишига қарамай, ўртача бу ҳафта ушбу давр меъёридан 5-7 даражага совуқроқ бўлади.
Изоҳ (0)