Футбол бўйича Ўзбекистон чемпионатининг 21-туридан ўрин олган икки ўйин 1 октябрь, жума куни бўлиб ўтди.
Амалдаги чемпион «Пахтакор» «Қўқон-1912» майдонига сафар қилди. Драматик тарзда ўтган ўйинда умумий ҳисобда 6 та гол урилди. Биринчи бўлимда мезбонлар Ойбек Рустамов ва Муҳаммаданас Ҳасановнинг голлари эвазига ҳисобда олдинга чиқиб олди. Иккинчи 45 дақиқалик аввалида «шерлар» ҳам кетма-кет 2 та гол уриб, мувозанатни тиклашга муваффақ бўлганди. Аммо қўқонликлар шундан сўнг яна 2 та гол уриб, 4:2 ҳисобидаги ғалабани расмийлаштирди.
Ғалабадан кейин «Қўқон-1912» 28 очко билан 8-ўринга кўтарилди. «Пахтакор» (51) эса мағлубиятга қарамай пешқадамликни сақлаб турибди.
«Локомотив» «Металлург» майдонига сафар қилиб, учрашувга қўшиб берилган дақиқаларда ғалабани илиб кетди. Дастлаб 42-дақиқада Бекобод клуби 11 метрлик жарима зарбасидан киритилган гол эвазига ҳисобда олдинга чиқиб олди, ушбу вазиятда Абдумавлон Абдужалиловга қўполлик учун қизил карточка ҳам кўрсатилди. Иккинчи бўлимда «темир йўлчилар» ҳам пенальтидан киритилган гол эвазига ҳисобни тенглаштирди. 90+1-дақиқага келиб эса Азизбек Омонов «Локомотив»га ғалаба келтирган голга муаллифлик қилди.
Ушбу ғалабадан кейин Тошкент клубининг очколари 32 тага етди ва 6-поғонага кўтарилди. «Металлург» эса 10-ўриндан жой олган.
Суперлига
21-тур баҳслари
1 октябрь, жума
«Қўқон-1912» — «Пахтакор» 4:2
Голлар: 1:0 – 9 Ойбек Рустамов, 2:0 – 40 Муҳаммаданас Ҳасанов, 2:1 – 47 Шаҳзод Азмиддинов, 2:2 – 71 Ҳожимат Эркинов, 3:2 – 73 Якуба Бамба, 4:2 – 76 Сардорбек Азимов.«Қўқон-1912»: 1. Музаффар Абдуллаев, 7.Асадбек Собиржонов (13.Сардорбек Азимов 62), 8. Фарҳод Бекмуродов (20. Иқбол Маликжонов, 62), 10. Шоҳназар Норбеков, 14.Авазхон Маматхўжаев, 15.Ойбек Рустамов, 22.Муҳаммаданас Ҳасанов (4.Илҳомжон Ваҳобов, 82), 23. Александр Мерзляков, 33.Иван Ёсович, 91. Якуба Бамба (11.Мўминжон Мелиев, 75), 70. Мурод Холмуҳаммедов.«Пахтакор»: 25. Элдор Суюнов, 3. Ҳожиакбар Алижонов (88.Шаҳзод Азмиддинов, 46), 5. Анзур Исмоилов, 7.Одил Ҳамробеков, 9. Шерзод Темиров (11.Боян Матич, 78), 10. Драган Черан, 17. Достонбек Ҳамдамов, 18.Ҳожимат Эркинов (8.Азизбек Турғунбоев, 74), 23. Шерзод Аъзамов (16.Марлен Чобанов, 43), 27.Сардор Собирхўжаев (21.Аброрбек Исмоилов, 46), 34. Фаррух Сайфиев.
«Металлург» — «Локомотив» 1:2
Голлар: 1:0 – 42, пенальти Дамир Темиров, 1:1 – 59, пенальти Темурхўжа Абдухолиқов, 1:2 – 90+1 Азизбек Омонов.«Металлург»: 99. Владимир Вагин, 4.Одилбек Абдумажидов (48.Дилшод Раҳматуллаев, 67), 8.Саламат Қутибоев, 14.Аброрбек Тошқўзиев (7.Руслан Розиев, 86), 15. Зоҳид Абдуллаев (10.Шаҳзодбек Нурматов, 64), 22.Шаҳзодбек Ғофурбеков, 28.Станислав Андреев, 30.Иброҳим Ибрагимов, 80.Фаррух Иброҳимов (6.Худойшукур Сатторов, 86), 90.Абдураҳмон Абдулҳақов (11.Иван Нагаев, 86), 98.Дамир Темиров.
«Локомотив»: 1.Абдумавлон Абдужалилов, 3. Ислом Қобилов, 5. Кахи Махарадзе, 7. Садриддин Абдуллаев (28.Шуҳрат Муҳаммадиев, 68), 11.Темурхўжа Абдухолиқов, 14. Азизбек Амонов, 17. Санжар Қодирқулов, 21. Ғулом Ҳайдар Ғуломов, 27. Ислом Рашидхонов (35.Жавоҳир Илёсов, 41), 37.Шерзод Файзиев, 77.Диёр Туропов.
Четлатиш: Абдумавлон Абдужалилов, 37 («Локомотив»).
Изоҳ (0)