Allaqachon urfdan qolgan 6 palto modeli

Yaqinlashayotgan qish mavsumida paltolarning qanday modelini kiyish kerakmasligi haqida ma’lumot berib o‘tamiz.

Mo‘yna yoqali palto

Ekologik emasligidan tashqari bunday ustki kiyimning eski uslubda ekani bilinib turadi. Sandiqdan olib kiyib olgandek ko‘rinishni istamasangiz, bunday modellarni tanlay ko‘rmang. Buning o‘rniga xuddi shu bichimdagisini mo‘ynasiz variantini tanlang.

Kalta ko‘ylakni esga soladigan palto

Bozorlarda ko‘p uchratish mumkin bo‘lgan bunday modellarni trendda deb o‘ylaganlar yanglishadi. Mazkur fason belni nozik qismini yashirib, bo‘ksani keng ko‘rsatadi. Qomatingiz shunday ko‘rinib qolishini istamasangiz, urfdagi, tizzadan pastroq turadigan variantlarga e’tibor qarating.

Yeng qismi mo‘ynali paltolar

Ayrim dizaynerlar bashang ko‘rinishi uchun mo‘ynani kiyimning istalgan qismiga tikishni afzal biladi. Ammo yeng qismidagi mo‘yna ishqalanib, tez qarovsiz holga kelib qoladi, qolaversa, noqulay ham hisoblanadi. Xarid qilganingizdan ko‘p o‘tmay yomon ahvolga kelishini istamasangiz, yaxshisi bunday paltolarga e’tibor qaratmang.

Etaklari keng palto

Bunday bichim hammaga ham yarashavermaydi. Agar sarvqomat ko‘rinishni istasangiz, zamonaviyroq modellarga e’tibor qarating. Masalan, belbog‘li palto ham qomatni nozik ham chiroyli ko‘rsatadi.

Yengi tirsakkacha bo‘lgan palto modeli

Bunday fasondagi paltoning urfda bo‘lganiga ancha yillar bo‘lgan. Trendda emasligidan tashqari yeng qismi yetarlicha uzun emasligi sabab ham bunday variantlarni xarid qilmaslik tavsiya qilinadi. Aks holda qo‘llaringiz qishda sovuq qotadi.

To‘g‘ri bichimdagi paltolar

Tugmalari ilgichga qadaladigan, daflkot deb ataluvchi bunday palto modellaridan yaxshisi voz keching. Bugungi kunda moda juda ham tez o‘zgargani sabab bunday plato kelasi mavsumda dolzarb bo‘lmasligi mumkin.