Яқинлашаётган қиш мавсумида пальтоларнинг қандай моделини кийиш керакмаслиги ҳақида маълумот бериб ўтамиз.
Мўйна ёқали пальто
Экологик эмаслигидан ташқари бундай устки кийимнинг эски услубда экани билиниб туради. Сандиқдан олиб кийиб олгандек кўринишни истамасангиз, бундай моделларни танлай кўрманг. Бунинг ўрнига худди шу бичимдагисини мўйнасиз вариантини танланг.
Калта кўйлакни эсга соладиган пальто
Бозорларда кўп учратиш мумкин бўлган бундай моделларни трендда деб ўйлаганлар янглишади. Мазкур фасон белни нозик қисмини яшириб, бўксани кенг кўрсатади. Қоматингиз шундай кўриниб қолишини истамасангиз, урфдаги, тиззадан пастроқ турадиган вариантларга эътибор қаратинг.
Енг қисми мўйнали пальтолар
Айрим дизайнерлар башанг кўриниши учун мўйнани кийимнинг исталган қисмига тикишни афзал билади. Аммо енг қисмидаги мўйна ишқаланиб, тез қаровсиз ҳолга келиб қолади, қолаверса, ноқулай ҳам ҳисобланади. Харид қилганингиздан кўп ўтмай ёмон аҳволга келишини истамасангиз, яхшиси бундай пальтоларга эътибор қаратманг.
Этаклари кенг пальто
Бундай бичим ҳаммага ҳам ярашавермайди. Агар сарвқомат кўринишни истасангиз, замонавийроқ моделларга эътибор қаратинг. Масалан, белбоғли пальто ҳам қоматни нозик ҳам чиройли кўрсатади.
Енги тирсаккача бўлган пальто модели
Бундай фасондаги пальтонинг урфда бўлганига анча йиллар бўлган. Трендда эмаслигидан ташқари енг қисми етарлича узун эмаслиги сабаб ҳам бундай вариантларни харид қилмаслик тавсия қилинади. Акс ҳолда қўлларингиз қишда совуқ қотади.
Тўғри бичимдаги пальтолар
Тугмалари илгичга қадаладиган, дафлкот деб аталувчи бундай пальто моделларидан яхшиси воз кечинг. Бугунги кунда мода жуда ҳам тез ўзгаргани сабаб бундай плато келаси мавсумда долзарб бўлмаслиги мумкин.
Мавзуга доир:
Изоҳ (0)