“Ipak yo‘li durdonasi” Toshkent xalqaro kinofestivali kecha, 28-sentabrdan boshlandi. Unga bir necha mamlakatlardan taniqli kinoyulduzlar tashrif buyurishdi.
Ular kinofestival dasturidan o‘rin olgan tadbirlarda ishtirok etib, jarayon haqidagi fikrlari bilan o‘rtoqlashishdi.
Nikita Mixalkov, rossiyalik aktyor:
“Afsonaviy festival tiklangani juda quvonarli hodisa. O‘rta Osiyoda kino aynan shu zaminda tug‘ilgan. Vaqtida bu festival o‘z davrining noyob va o‘zgacha festivali edi. Hozir bu qadriyatlar qayta tiklanayotgani o‘zbek kinosiga yangi ruhiyat va kuch bag‘ishlashiga ishonaman”.
Franko Nero, italiyalik aktyor:
“Kino erkinlik bor joyda rivojlanadi. Kino sohasini kuzatadigan bo‘lsak, bu borada rivojlangan davlatlar har tomonlama ancha o‘zib ketgan. Mazkur kinofestival ham o‘ylaymanki, O‘zbekiston uchun yaxshi va yangi marralarni olib keladi. Toshkent xalqaro kinofestivalida qatnashayotganimdan xursandman.
O‘ylab qarasak, festivalni o‘tkazishdan maqsad ham do‘stona aloqalarni rivojlantirishdir. Festival davom etyapti. Kinoijodkorlarga omad tilayman”.
Mithun Chakraborti, hindistonlik aktyor:
“Butun dunyo bo‘yicha insonlar qalbida kino hissiyotlari bir xil bo‘ladi. Men ‘Ipak yo‘li durdonasi’ Toshkent xalqaro kinofestivali dasturidani “Kino 5 kunda” tanlovidagi filmlarni ko‘rdim va bu kartinalar haqida yaxshi fikrlarga ega bo‘ldim. Shu vaqtgacha yoshlarning ishlaridan ko‘nglim to‘lmasdi. Lekin bugun o‘zbek yoshlarini ko‘rdim va ularga qiziqishim ortdi. Men o‘zbek filmlarini yana ko‘rishga va ijodiy hamkorlikda ishlashga tayyorman”.
Eslatib o‘tamiz, Toshkent xalqaro kinofestivali 3-oktabrgacha davom etadi.
Kinemotografiya agentligi matbuot xizmati
Izoh (0)